

Sölufulltrúi á Akureyri
66°NORÐUR leitar að dugmiklum einstaklingum í verslanir 66°Norður á Akureyri. Um er að ræða hlutastarf með möguleika á fullu starfi.
Sjóklæðagerðin hf. er eitt elsta framleiðslufyrirtæki Íslands.
Árið 1926 hóf fyrirtækið framleiðslu á sérstökum hlífðarfatnaði fyrir sjómenn og fiskverkunarfólk á norðurslóðum en seinna bættist við vörulínu fyrirtækisins vinnufatnaður fyrir fólk í landi.
Rætur fyrirtækisins liggja því í framleiðslu sjó- og vinnufatnaðar og er fyrirtækið afar stolt af þeirri arfleifð sinni. Í dag er hönnun og framleiðsla útivistarfatnaðar kjarninn í starfsemi fyrirtækisins sem framleiddur er undir vörumerkinu 66°NORÐUR en fyrirtækið leggur mikið upp úr gæðum vörunnar þar sem eingöngu eru notuð bestu fáanlegu efnin í framleiðsluna.
Í dag starfa tæplega 500 manns hjá Sjóklæðagerðinni og starfar fyrirtækið í fjórum löndum, á Íslandi, í Danmörku, Bretlandi og Lettlandi. Á Íslandi rekur Sjóklæðagerðin 11 verslanir undir vörumerkinu 66°NORÐUR og í Kaupmannahöfn eru tvær verslanir þar sem sú fyrsta opnaði í lok árs 2014. Árið 2019 var opnuð skrifstofa í Lundúnum.
- Þjónusta viðskiptavini
- Áfylling og framsetning vara
- Önnur tilfallandi verslunarstörf
- Jákvætt viðmót og þjónustulund
- Framúrskarandi hæfileikar í mannlegum samskiptum
- Brennandi áhugi á útivist og hreyfingu
- Áhugi á sölumennsku
- Mjög góð enskukunnátta
- Kunnátta í Norðurlandamáli, þýsku, kínversku eða öðrum tungumálum er kostur
- Reynsla af sölustörfum kostur
Starfsmenn 66°NORÐUR fá góðan starfsmannaafslátt.
Íslenska
Enska










