Laus störf Hæfnileit Vinnustaðir Námskeið

Stykkishólmsbær

Stykkishólmur hefur á síðustu árum orðið að einum vinsælasta áfanga- og áningarstað landsins. Þar kemur margt til, ef til vill vegur þar þungt metnaður bæjarbúa fyrir að varðveita umhverfi sitt og sögu svo komandi kynslóðir fái notið þeirra á sama hátt og við gerum nú. Sú hugsun endurspeglast hvað best í miðbæ Stykkishólms sem óhætt er að vísa til sem safns gamalla húsa. Stykkishólmsbær fékk Skipulagsverðlaunin 2008, sem veitt eru af Skipulagsfræðifélagi Íslands, fyrir deiliskipulag miðbæjar, stefnu og framfylgd hennar og eru bæjarbúar ákaflega stoltir og þakklátir fyrir þá viðurkenningu.

Vinnustaðurinn

Skólastjóri grunnskóla og tónlistarskóla

Leitað er að leiðtoga með mikinn metnað fyrir menntun barna og unglinga sem hefur framsækna sýn á skólastarf og hlutverk stjórnendateymisins við skólana og samvinnu þess. Lögð er áhersla á öfluga skólaþróun, hvetjandi starfsumhverfi fyrir nemendur og starfsfólk og samstarf við aðila skólasamfélagsins.

Skólastjóri er yfirmaður skólanna, mótar og viðheldur staðblæ og menningu með tilstyrk starfsfólks og nemenda. Hann veitir faglega forystu og leiðir framsækið og skapandi skólastarf í samræmi við grunnskólalög, aðalnámskrá grunnskóla og tónlistarskóla, ásamt skólastefnu sveitarfélagsins 2022-2027.

Menntunar- og hæfniskröfur

Réttur til að nota starfsheitið kennari og reynsla af skólastarfi á grunnskólastigi eða í tónlistarskóla

Stjórnunarreynsla og leiðtogahæfni

Menntun í stjórnun eða sérhæfð hæfni skv. 5. gr. laga nr. 95/2019

Reynsla og þekking þar sem sérstök áhersla er lögð á sérhæfða hæfni sem snýr að skólaþróun, stjórnun, rekstri og stjórnsýslu er æskileg

Framúrskarandi hæfni í mannlegum samskiptum og samstarfi

Frumkvæði, fagmennska, skipulagshæfni og nákvæmni

Skýr framtíðarsýn í skólamálum

Góð íslenskukunnátta í ræðu og riti

Helstu verkefni og ábyrgð

Dagleg stjórnun samrekins grunn- og tónlistarskóla

Leiða stjórnendateymi grunn- og tónlistarskóla

Ábyrgð gagnvart bæjarstjórn á að skólastarf sé í samræmi við lög, reglugerðir og gildandi aðalnámsskrá og skólastefnu hverju sinni

Ábyrgð á viðvarandi undirbúningi þróunar og stefnumörkunar

Forysta um þróun og umbætur í skólastarfinu og stefnumótun

Ábyrgð á mannauðsmálum

Ábyrgð á skólanámskrá skólanna, árlegri starfsáætlun, rekstraráætlun og öðrum áætlunum um skólastarfið

Skipulagning og stjórn skólaráðsfunda

Ráðið verður í stöðuna frá og með 1. ágúst 2023

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Í umsókn skal greina frá menntun og fyrri störfum, hæfni út frá hæfnikröfum starfsins og öðru því sem umsækjandi telur máli skipta og varpað getur ljósi á færni og hæfni hans til að sinna stöðu skólastjóra. Umsókninni skal fylgja kynningarbréf, ferilskrá, sakavottorð og samantekt þar sem fram koma hugmyndir umsækjanda um skólastarfið og þróun þess.

Allir einstaklingar óháð kyni, eru hvattir til að sækja um starfið.

Umsóknarfrestur er til og með 20. mars 2023.

Nánari upplýsingar um starfið veitir: Jakob Björgvin Sigríðarson, bæjarstjóri, [email protected] sími 4338100.

Stykkishólmur stendur við Breiðafjörð á norðanverðu Snæfellsnesi og er bæjarstæðið einstaklega fallegt. Um 1.300 manns búa í Sveitarfélaginu Stykkishólmi en bærinn er í um tveggja klukkustunda akstursfjarlægð frá höfuðborgasvæðinu. Þjónustustig er gott í Stykkishólmi og státar sveitarfélagið af ríkulegu íþrótta- og tómstundastarfi fyrir fólk á öllum aldri og rótgrónum mennta- og menningarstofnunum.

Í Grunnskólanum í Stykkishólmi stunda um 160 nemendur nám við 1.-10.bekk. Lögð er áhersla á jákvæðan og skemmtilegan skólabrag. Tónlistarskóli Stykkishólms hefur starfað óslitið frá 1964 og við hann starfar Lúðrasveit Stykkishólms sem stofnuð var 1944. Nemendur tónlistarskólans eru um 100 manns.

Gott samstarf er milli skólastiga í Stykkishólmi auk samstarfs við Fjölbrautaskóla Snæfellinga í Grundarfirði.

Auglýsing birt17. febrúar 2023

Umsóknarfrestur20. mars 2023

Tungumálahæfni

Engar sérstakar tungumálakröfur

Staðsetning

Hafnargata 3, 340 Stykkishólmur

Starfstegund

Starfsgreinar

Starfsmerkingar

Sambærileg störf (12)