Vinnumálastofnun
Hlutverk Vinnumálastofnunar
Vinnumálastofnun heyrir undir félagsmálráðuneytið og fer m.a. með yfirstjórn vinnumiðlunar í landinu og daglega afgreiðslu Atvinnuleysistryggingasjóðs, Fæðingarorlofssjóðs, Ábyrgðarsjóðs launa auk fjölmargra annara vinnumarkaðstengdra verkefna.
Skjalastjóri
Vinnumálastofnun óskar eftir að ráða skjalastjóra stofnunarinnar. Starfstöð er að Grensásvegi 9, 108 Reykjavík. Skjalastjóri ber m.a. ábyrgð á því að farið sé að gildandi lögum og reglum um skjalavistun opinberra aðila við vörslu og meðhöndlun skjala.
Starfið heyrir undir Þróunar- og tæknisvið og felur í sér náið samstarf með öðrum sviðum og deildum stofnunarinnar. Næsti yfirmaður er sviðsstjóri Þróunar- og tæknisviðs.
Leitað er að einstaklingi sem á auðvelt með að tileinka sér gildi Vinnumálastofnunar: Fyrirmyndarþjónusta; Virðing; Áreiðanleiki.
Helstu verkefni og ábyrgð
- Yfirumsjón og framkvæmd skjalamála, þ.m.t. umsjón með skjalakerfum, vistun, gagnaskilum, skipulagi og verklagsreglum vegna skjalakerfis.
- Ráðgjöf og stuðningur við stjórnendur og starfsmenn um skjalastjórn.
- Leiðir þróun og umbætur á sviði skjalamála og innleiðingar nýjunga á verklagi við stafræna þróun skjalamála.
- Ábyrgð á að farið sé eftir lagareglum um skjalavörslu og skylduskil til Þjóðskjalasafns Íslands.
- Frágangur og skil rafrænna gagna og pappírs til Þjóðskjalasafns Íslands.
- Þátttaka í þróun og einföldun ferla, með áherslu á stafrænar lausnir, sjálfvirkni og gagnadrifna nálgun.
- Þátttaka í gæðateymi Vinnumálastofnunar.
- Þátttaka í ritstjórnarteymi gæðahandbókar Vinnumálastofnunar.
- Þátttaka í umbótastarfi innan stofnunar.
- Önnur tilfallandi verkefni.
Menntunar- og hæfniskröfur
- Háskólamenntun sem nýtist í starfi.
- Þekking og reynsla af skjalastjórnun er nauðsynleg.
- Þekking og reynsla af skjalavistunarkerfum er áskilin.
- Góð tölvukunnátta sem og vilji og geta til að læra á ný tölvuforrit er skilyrði.
- Þekking af gæðakerfum er kostur.
- Þekking og reynsla af stafrænu umbreytingaferli og þróun í gæða-, skjala- og upplýsingamálum er kostur.
- Haldgóð þekking af persónuverndarmálum er kostur.
- Þekking á opinberri stjórnsýslu og meðferð stjórnsýslumála er kostur.
- Góð færni til að vinna í teymi og góð samskiptafærni.
- Frumkvæði, skipulagshæfni og sjálfstæði í vinnubrögðum.
- Gott vald á íslensku og ensku.
Auglýsing birt18. maí 2026
Umsóknarfrestur1. júní 2026
Tungumálahæfni
ÍslenskaNauðsyn
EnskaNauðsyn
Staðsetning
Grensásvegur 9, 108 Reykjavík
Starfstegund
Starfsgreinar
Starfsmerkingar