Sérfræðingur í klínískri sálfræði - Geðheilsuteymi ADHD fullorðinna

Heilsugæsla höfuðborgarsvæðisins leitar að sérfræðingi í klínískri sálfræði í tímabundið starf hjá Geðheilsuteymi ADHD fullorðinna.

Í boði er að vinna í frábæru þverfaglegu teymi á sérsviði ADHD fullorðinna, sem býður upp á fjölbreytt tækifæri fyrir þá sem vilja taka þátt í uppbyggingu og þróun þjónustunnar á Íslandi.

Geðheilsuteymi ADHD fullorðinna er þverfaglegt teymi sem starfar á landsvísu, og veitir 2. stigs þjónustu fyrir einstaklinga 18 ára og eldri. Þjónustan byggir á sérþekkingu, þar sem áhersla er lögð á þverfaglega samvinnu teymisins og samstarfsaðila í 1. og 3. línu. Teymið leitar að öflugum einstakling sem vill taka þátt í að byggja upp starfsemina.

Meginverkefni teymis er greining, endurmat, og meðferð vegna ADHD hjá fullorðnum auk þess að veita ráðgjöf og fræðslu sem byggir á sérþekkingu. Teymið vinnur eftir vinnulagi Embættis landlæknis þar sem fagleg gæði og gott viðmót eru höfð að leiðarljósi og einstaklingurinn er ávallt í fyrirrúmi

Ef þú vilt vinna í öflugu teymi sem leggur áherslu á samvinnu, fagleg gæði og jákvæðan starfsanda, er þetta einstakt tækifæri.

Um er að ræða 100% tímabundið starf til 1.árs. Starfið er laust nú þegar eða eftir nánara samkomulagi.