Sérfræðingur í endurheimt vistkerfa

Landgræðslan óskar eftir að ráða sérfræðing til starfa á sviði endurheimtar vistkerfa með áherslu á rannsóknir, greiningu og áætlanagerð við vernd og endurheimt vistkerfa. Sérfræðingurinn þarf að vera sveigjanlegur og vera tilbúinn til að taka þátt í þróun starfsins og breytingum sem kunna að verða á því.

Landgræðslan er þekkingar- og þjónustustofnun. Markmið hennar eru verndun gróðurs og jarðvegs og bætt landgæði. Stofnunin starfar samkvæmt lögum um landgræðslu nr. 155/2018. Stofnunin hefur höfuðstöðvar í Gunnarsholti en er auk þess með starfsstöðvar á Egilsstöðum, Húsavík, Sauðárkróki, Hvanneyri og í Reykjavík. Landgræðslan hefur lokið innleiðingu jafnlaunastaðals og fengið jafnlaunavottun.