Sérfræðingur í efnafræði
Hafrannsóknastofnun leitar að öflugum sérfræðingi með framhaldsmenntun í efnafræði eða skyldum greinum til að sinna fjölbreyttum verkefnum sem tengjast einkum áhrifum sjókvíaeldis á umhverfi fjarða. Viðkomandi verður hluti af teymi á umhverfissviði sem sinnir margvíslegum og krefjandi verkefnum sem stuðla að eflingu þekkingar á þoli fjarða til sjókvíaeldis og áhrifum eldis á vistkerfi fjarða með langtímavöktun, líkanagerð og markvissum rannsóknum. Kjarnaverkefni viðkomandi starfsmanns verða rannsóknir og vöktun á efnafræðilegu ástandi sjávar og botnsets.
Starfið felur einnig í sér þátttöku í ýmsum öðrum verkefnum sem kalla á sérfræðiþekkingu viðkomandi, til dæmis ráðgjöf og önnur rannsóknaverkefni. Nýjar og breytilegar áskoranir kalla á reglulegt endurmat verkefna, hvað varðar aðferðafræði og áherslur, og er sérfræðingnum ætlað taka virkan þátt í þeirri rýni, og þróun aðferðafræði þar sem það á við. Starfið er því fjölbreytt og kallar á sjálfstæð vinnubrögð auk þverfaglegrar samvinnu og spannar starfið allt frá hagnýtri vinnu við sýnatöku til álitsgerðar og þátttöku í stefnumótun.
- Vinna að verkþáttum vöktunar á umhverfisáhrifum sjókvíaeldis.
- Leiða og taka þátt í fjölbreyttum rannsóknaverkefnum sem efla þekkingu á umhverfisáhrifum sjókvíaeldis, auk annarra tilfallandi rannsóknaverkefna.
- Leiða og taka þátt í ráðgjafaverkefnum, svo sem gerð umsagna, skýrslna eða annara álita.
- Taka þátt í faglegri þróunarvinnu verkefna og stefnumótun.
- Þátttaka í alþjóðlegu og innlendu samstarfi.
- Miðlun niðurstaðna og upplýsinga til ólíkra markhópa.
- Framhaldsmenntun á sviði efnafræði, jarðefnafræði eða skyldra greina.
- Hæfni í gagnaúrvinnslu og notkun tölfræðiforrita.
- Hæfni til að miðla upplýsingum á skýran og skilmerkilegan hátt.
- Góð almenn tölvukunnátta.
- Frumkvæði, metnaður og lausnamiðuð nálgun.
- Metnaður, frumkvæði og sjálfstæði í vinnubrögðum.
- Jákvætt viðmót, samstarfsvilji og hæfni til að vinna í teymi.
- Góð færni til að tjá sig í ræðu og riti á íslensku og ensku.
Enska
Íslenska
