Laus störf Hæfnileit Vinnustaðir Námskeið

BSRB

Um er að ræða lifandi og skemmtilegan vinnustað sem leggur áherslu á fjölskylduvænt og öruggt vinnuumhverfi. BSRB, Sameyki, Póstmannafélag Íslands, Landssamband lögreglumanna og Styrktarsjóður BSRB eru með skrifstofur í húsnæðinu ásamt ráðgjöfum frá Virk starfsendurhæfingu. Auk skrifstofuaðstöðu eru fundarsalir, mötuneyti og samkomusalur sem nýtast almennt til námskeiða og funda. Að jafnaði starfa hátt í 50 starfsmenn í BSRB-húsinu.

Vinnustaðurinn

Sérfræðingur BSRB í stefnumótun og greiningu

BSRB leitar að metnaðarfullum og öflugum einstaklingi á sviði greininga og stefnumótunar til að taka þátt í spennandi og krefjandi verkefnum á skrifstofu heildarsamtakanna. Um er að ræða nýja stöðu á skrifstofu BSRB.

Viðkomandi tekur þátt í og ber ábyrgð á greiningum á opinberri þjónustu, opinberum fjármálum og starfskjörum starfsfólks í almannaþjónustu. Sérfræðingur BSRB í stefnumótun og greiningum safnar saman og tryggir gott aðgengi að upplýsingum um vinnumarkaðinn og byggir þannig undir stefnumótun heildarsamtakanna.

Um er að ræða tækifæri til að móta stefnu og verklag innan stærstu samtaka opinberra starfsmanna á Íslandi. Verkefnin eru á fjölbreyttu sviði samkvæmt stefnu BSRB t.d. efnahags-, skatta-, kjara-, heilbrigðis-, lífeyris- og húsnæðismál. Viðkomandi vinnur náið með hagfræðingi BSRB og öðru starfsfólki bandalagsins.

Helstu verkefni og ábyrgð

Greining á opinberri þjónustu, útvistun verkefna og opinberum fjármálum
Stefnumótun í samvinnu við formannaráð og stjórn BSRB auk annarra sérfræðinga bandalagsins
Samskipti við stjórnvöld og aðila vinnumarkaðarins í samráði við formann og framkvæmdastjóra
Seta í ýmsum nefndum og ráðum samkvæmt ákvörðun stjórnar BSRB

Menntunar- og hæfniskröfur

Háskólapróf sem nýtist í starfi. Framhaldsmenntun er æskileg
Reynsla af greiningum og stefnumótun
Hæfni og reynsla í framsetningu tölulegra og skriflegra gagna
Rík samskiptafærni, skipulagshæfileikar og gagnrýnin hugsun
Hæfni til að tjá sig í ræðu og riti
Góð íslensku- og enskukunnátta í ræðu og riti

Hvers vegna BSRB?

Tækifæri til að hafa áhrif á framkvæmd stefnu og þróun heildarsamtakanna

Samstarf í framsýnu umhverfi þar sem fagmennska og samfélagsleg ábyrgð fara saman

Áskorun og fjölbreytileiki – þú munt fást við verkefni sem skipta máli fyrir lífsgæði þúsundir félagsmanna

Um BSRB

BSRB eru stærstu samtök opinberra starfsmanna á Íslandi. Aðildarfélög BSRB eru 19 talsins og fjöldi félagsmanna um 25.000. Hjá bandalaginu starfa 10 manns.

Hlutverk BSRB er m.a. að þjónusta aðildarfélög bandalagsins og gæta hagsmuna þeirra og félagsmanna þeirra gagnvart atvinnurekendum og stjórnvöldum. Einnig er BSRB ætlað að stuðla að bættu velferðarsamfélagi.

Umsóknarfrestur er til og með 2. desember nk.

Við hvetjum öll áhugasöm til að sækja um, óháð kyni og uppruna.

Umsókn um starfið þarf að fylgja starfsferilsskrá og kynningarbréf þar skal gera grein fyrir þekkingu, reynslu og hæfni umsækjanda sem nýtist til að sinna starfinu í samræmi við hæfniskröfur í auglýsingu.

Umsjón með umsóknum hafa Auður Bjarnadóttir ([email protected]) og Garðar Óli Ágústsson ([email protected]).

Auglýsing birt21. nóvember 2025

Umsóknarfrestur2. desember 2025

Tungumálahæfni