Sérfræðingur á inn- og útflutningsdeild
Matvælastofnun leitar að metnaðarfullum sérfræðingi til starfa hjá inn- og útflutningsdeild sem staðsett er að Laugavegi 166, Reykjavík.
Matvælastofnun gefur út um 5000 heilbrigðisvottorð vegna útflutnings afurða ár hvert. Þetta er nauðsynlegur liður í markaðssetningu íslenskra afurða. Inn- og útflutningsdeild hefur umsjón með vottorðaútgáfunni sem felur í sér töluverð samskipti við hagaðila bæði innanlands og utan.
Matvælastofnun er nútímaleg og framsækin þjónustustofnun sem gætir hagsmuna neytenda og málleysingja. Megináhersla er lögð á starfsánægju og samskipti ásamt því að skapa öflugt og lifandi þekkingarsamfélag. Hjá inn- og útflutningsdeild starfa 14 sérfræðingar og mikil áhersla er lögð teymisvinnu og umbætur í verklagi.
Við stöndum vörð um heilsu manna, dýra og plantna og aukum þannig velferð og verðmætasköpun í þágu þjóðarinnar. Gildi Matvælastofnunar eru fagmennska, gagnsæi og traust.
Helstu verkefni eru útgáfa heilbrigðisvottorða vegna útflutnings afurða. Í því felst m.a. mat á gögnum og samskipti við hagaðila sem og þróun og viðhald ferla og kerfa tengdum vottorðaútgáfu. Einnig vinna að aðgengi íslenskra afurða að erlendum mörkuðum.
-
Matvælafræði, dýralæknismenntun, sjávarútvegsfræði eða önnur háskólamenntun sem nýtist í starfi
-
Reynsla af matvælavinnslu, sjávarútvegi eða skyldri starfsemi er kostur.
-
Mjög góð hæfni í teymisvinnu og samskiptum nauðsynleg.
-
Nákvæmni, frumkvæði og sjálfstæði í starfi.
-
Góð skipulags- og greiningarfærni.
-
Hæfni til tjáningar í ræðu og riti á íslensku og ensku er skilyrði.
-
Mjög góð almenn tölvukunnátta.
-
Þekking og reynsla af opinberri stjórnsýslu er kostur.
-
Ökuréttindi.
Enska
Íslenska
