Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Sérfræðingur á álagningarsviði hjá Skattinum

Skatturinn leitar að áhugasömum sérfræðingi til að starfa með öflugum hópi starfsfólks á álagningarsviði í höfuðstöðvum Skattsins í Katrínartúni í Reykjavík. Meginhlutverk álagningarsviðs er að leggja skatta og gjöld á einstaklinga og lögaðila og sinna þeim verkefnum sem því tengjast, þ.m.t. undirbúningi, þjónustu, eftirliti og afgreiðslu erinda og kæra. Gildi Skattsins eru fagmennska, framsækni og samvinna.

Helstu verkefni og ábyrgð

Skoðun á framtölum lögaðila fyrir álagningu m.t.t. skattareglna
Afgreiðsla á kærum og erindum lögaðila
Leiðrétting og endurskoðun framtala lögaðila eftir álagningu
Aðstoð og upplýsingagjöf til skattaaðila

Menntunar- og hæfniskröfur

Háskólamenntun á sviði lögfræði, viðskiptafræði eða hagfræði (lágmarksmenntun er bakkalár gráða)
Þekking á bókhaldi og reikningsskilum er æskileg
Þekking á málsmeðferðarreglum og almennri skattframkvæmd er æskileg
Gott vald á íslensku og ensku í töluðu og rituðu mál
Skipulögð, nákvæm og sjálfstæð vinnubrögð
Rík þjónustulund, jákvæðni og góðir samskiptahæfileikar
Hreint sakavottorð.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir þarf að fylgja með svo umsókn teljist fullnægjandi. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum verður svarað þegar ákvörðun hefur verið tekin um ráðningu. Umsóknir geta gilt í allt að 6 mánuði frá lokum umsóknarfrests.

Auglýsing birt23. mars 2026

Umsóknarfrestur7. apríl 2026

Tungumálahæfni