Laus störf Hæfnileit Vinnustaðir Námskeið

Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Sálfræðingur fullorðinna - Heilsugæslan Hvammi - tímabundið starf

Heilsugæslan Hvammi í Kópavogi leitar að jákvæðum og metnaðarfullum sálfræðingi í 80% tímabundið starf í eitt ár.

Um er að ræða ábyrgðarmikið og krefjandi starf á spennandi vettvangi, fyrir sálfræðing sem hefur áhuga á að taka þátt í framþróun í geðheilsumálum innan heilsugæslu og vill stuðla að heilbrigði einstaklinga.

Æskilegt er að viðkomandi geti hafið störf 1. janúar nk. eða eftir nánari samkomulagi.

Á Heilsugæslunni Hvammi starfar sérhæft og metnaðarfullt starfsfólk í hvetjandi og skemmtilegu starfsumhverfi þar sem frumkvæði og sjálfstæði fær að njóta sín. Lögð er áhersla á náið samstarf fagstétta og teymisvinnu. Lögð er áhersla á að sálfræðingar HH fái handleiðslu og símenntun í faginu.

Til greina getur komið að ráða tímabundið áhugasaman reynsluminni sálfræðing í ábyrgðarminna starf fáist ekki sálfræðingur með reynslu í starfið.

Nánari upplýsingar um starfsemi stöðvarinnar má finna á vef Heilsugæsla höfuðborgarsvæðisins.

Helstu verkefni og ábyrgð

Sálfræðiþjónusta fyrir einstaklinga 18 ára og eldri
Greining, mat og meðferð á geðrænum vanda, gagnreynd sálfræðimeðferð og ráðgjöf
Einstaklings- og hópmeðferð
Námskeiðahald, ráðgjöf og fræðsla
Handleiðsla og þjálfun nema í klínískri sálfræði
Þátttaka í þróun og uppbyggingu sálfræðiþjónustu í heilsugæslu
Samstarf við aðrar heilbrigðisstofnanir s.s. Landspítala og félagsþjónustu
Önnur tilfallandi verkefni eftir þörfum

Menntunar- og hæfniskröfur

Starfsleyfi útgefið af embætti landlæknis til að starfa sem sálfræðingur er skilyrði
5 ára starfsreynsla af klínísku starfi er æskileg
Þekking og reynsla af gagnreyndum aðferðum
Faglegur metnaður og áhugi á uppbyggingu sálfræðiþjónustu í heilsugæslu
Sjálfstæði, frumkvæði og lausnamiðuð nálgun í starfi
Reynsla og áhugi á þverfaglegri teymisvinnu
Reynsla af starfi með túlki
Góð samskiptahæfni, lipurð og sveigjanleiki í samskiptum
Góð íslenskukunnátta skilyrði
Góð enskukunnátta æskileg