Laus störf Hæfnileit Vinnustaðir Námskeið

Fangelsismálastofnun ríkisins

Fangelsismálastofnun rekur fjögur fangelsi, Fangelsin Hólmsheiði og Litla-Hrauni sem eru lokuð fangelsi og Fangelsin Sogni og Kvíabryggju sem eru opin fangelsi.

Vinnustaðurinn

Sálfræðingur - Fangelsismálastofnun

Við leitum að framsýnum og lausnamiðuðum sálfræðingi í faglegt teymi á meðferðarsviði Fangelsismálastofnunar.

Á meðferðarsviði starfa sálfræðingar, félagsráðgjafar og vímuefnaráðgjafar sem vinna í nánu samstarfi við annað starfsfólk stofnunarinnar og heilbrigðisstarfsfólk innan fangelsa. Áhersla er á þverfaglega teymisvinnu og jákvæð viðhorf til skjólstæðinga.

Helstu verkefni og ábyrgð

Kortlagning áhættuhegðunar og gerð meðferðaráætlana
Sértæk meðferðarvinna til að draga úr ofbeldishegðun/hegðunarvanda
Einstaklingsmeðferð og hópafræðsla fyrir skjólstæðinga
Fræðsla og leiðsögn til starfsfólks fangelsa
Meðferð, stuðningur og leiðsögn til skjólstæðinga á reynslulausn eða á öðrum stigum afplánunar
Samráð og samstarf við aðrar stofnanir og þjónustuaðila
Þátttaka í umbótastarfi, þróunarverkefnum og þverfaglegu samstarfi

Menntunar- og hæfniskröfur

Íslenskt starfsleyfi sálfræðinga
Reynsla af vinnu með fólki með fjölþættan vanda
Þekking og reynsla á sviði réttarsálfræði er kostur
Reynsla af áhættumatsgerð, hugrænni atferlismeðferð, áhugahvetjandi samtalstækni (Motivational interviewing) og áfallamiðaðri nálgun æskileg
Sjálfstæð vinnubrögð, skipulagshæfni og lausnamiðuð nálgun er mikilvæg
Góð samstarfshæfni, jákvætt hugarfar, metnaður og áhugi á að starfa í þverfaglegu teymi
Góð tölvufærni og þekking á One CRM skjalakerfinu er kostur
Góð íslensku og enskukunnátta