Laus störf Hæfnileit Vinnustaðir Námskeið

Íþróttamiðstöðvar Mosfellsbæjar

Varmárlaug býður upp á sundlaug, barnalaug, sauna, vatnsgufu, infrarauðan klefa, tvo heita potta, þar af annar með nuddi, og leiktæki fyrir börnin. Líkamsræktarstöðin Elding er með líkamsræktarstöð í húsinu, og býr yfir fullbúnum tækjasal, leikfimisal o.fl. Íþróttamiðstöðin Lágafell er með góða aðstöðu fyrir íþróttir og leiki. Þar er íþróttasalur með löglegum körfuboltavelli, hvíldarherbergi, nuddherbergi, eimbað og saunaklefi ásamt tilheyrandi búnings- og hreinlætisaðstöðu. Lágafellslaug býður upp á 25m keppnislaug, innisundlaug, barnalaug og vaðlaug auk þriggja vatnsrennibrauta. Þar eru einning tveir heitir pottar, nuddpottur og kaldur pottur. World Class er með líkamsræktarstöð í húsinu.

Vinnustaðurinn

Öflugt framtíðarstarfsfólk í íþróttamiðstöðvar

Mosfellsbær óskar eftir framtíðarstarfsfólki í íþróttamiðstöðvar bæjarins

Starfsfólk íþróttamiðstöðvanna eru andlit þeirra út á við og hefur það lykilhlutverk að veita öllum sem þær sækja frábæra þjónustu í hreinu, snyrtilegu og öruggu umhverfi.

Um er að ræða 100% stöðu í vaktavinnu. Viðkomandi þurfa að geta hafið störf sem fyrst.

Helstu verkefni og ábyrgð

Þjónusta við viðskiptavini, nemendur, kennara, íþróttaiðkendur og þjálfara þeirra
Bað – og sundlaugavarsla
Þrif
Afgreiðsla

Menntunar- og hæfniskröfur

Hæfniskröfur

Umsækjendur þurfa að hafa náð 20 ára aldri
Góð íslenskukunnátta er skilyrði
Hreint sakavottorð er skilyrði
Viðkomandi þurfa að vera jákvæðir, með mjög góða samskiptahæfileika og ríka þjónustulund
Reynsla af því að vinna með börnum og unglingum er mikilvæg (leikskóli, skóli, íþróttaþjálfun)
Hæfni til þess að vinna á uppbyggilegan hátt í teymi er mikilvæg
Krafa er gerð um gilt hæfnispróf sundstaða skv. reglugerð um öryggi á sundstöðum. Boðið er upp á námskeið fyrir alla starfsmenn við upphaf ráðningar
Þekking og reynsla af skyndihjálp er mikilvæg
Frumkvæði, sjálfstæði og faglegur metnaður
Samviskusemi og stundvísi

Við hvetjum sérstaklega áhugasama um íþróttir og heilbrigt líferni til þess að sækja um.

Umsóknir skulu vera á íslensku, starfsferilsskrá er skilyrði og sömuleiðis kynningarbréf sem inniheldur rökstuðning fyrir hæfni í starfið. Umsóknir sem uppfylla ekki þessi skilyrði verða ekki teknar til greina.

Laun eru samkvæmt kjarasamningi Sambands ísl. sveitarfélaga og viðkomandi stéttarfélags.

Íþróttamiðstöðvar Mosfellsbæjar eru heilsueflandi vinnustaðir og við viljum að starfsfólki okkar líði vel og njóti þess að vera í vinnunni. Við leggjum áherslu á jafnrétti og að koma fram við hvort annað og þá sem við veitum þjónustu af virðingu.

Umsóknarfrestur er til og með 20. ágúst 2024

Nánari upplýsingar veitir Þórhildur Dana Marteinsdóttir, forstöðumaður íþróttamannvirkja Mosfellsbæjar, [email protected].

Auglýsing birt10. ágúst 2024

Umsóknarfrestur20. ágúst 2024

Tungumálahæfni