Molinn - miðstöð unga fólksins, auglýsir eftir umsóknum í skapandi sumarstörf 2026
Molinn - miðstöðu unga fólksins og Skapandi verkefni ungs fólks í Kópavogi auglýsa eftir umsóknum frá ungu fólki eða hópum sem eru með hugmynd að skapandi verkefnum eða viðburðum fyrir sumarið 2026.
Starfstímabil er 8 vikur, frá 2. júní til 25. júlí 2026.
Vinnutími er kl. 08:00-16:00 eða 09:00-17:00.
Umsækjendur þurfa að hafa náð 18 ára aldri og vera fæddir á tímabilinu 2000-2008.
Markmið verkefnanna er að glæða bæinn lífi með sýnilegum og skapandi uppákomum fyrir bæjarbúa. Starfsfólk skapandi sumarstarfa vinnur að fjölbreyttum verkefnum sem höfða til ólíkra aldurshópa og áhugasviða og gera Kópavog skemmtilegri og líflegri.
Skapandi sumarstörf eru tímabundin ungmennastörf sem veita ungu fólki tækifæri til að þróa hugmyndir sínar og framkvæma skapandi verkefni í samstarfi við Molann.
Verkefnin geta verið hvers kyns skapandi verkefni, þar á meðal á sviði;
• Myndlistar og hönnunar
• Tónlistar og sviðslista
• Ritlistar og skapandi skrifa
• Skapandi margmiðlunar
• Vísinda og nýsköpunar í tengslum við sköpun
- Starfsfólki skapandi sumarstarfa Molans er ætlað að glæða bæinn lífi, gera hann skemmtilegri, fallegri og fjölbreyttari með listrænum og skapandi uppákomum. Valin eru fjölbreytt verkefni sem höfða til mismunandi aldurshópa og áhugasviða.
- Umsækjendur þurfa að vera fæddir á tímabilinu 2000-2008.
- Góð íslenskukunnátta
- Við val á verkefnum verður meðal annars tekið tillit til verkefnin séu frumleg og raunhæf, fjölbreytni verkefna, kynjahlutfalli umsækjenda og gæða umsókna.
- Áhersla er lögð á frumkvæði, samvinnu og framkvæmd hugmynda, ekki formlega menntun.
Íslenska
