Kópasteinn

Kópavogskirkjan er á hæðinni fyrir ofan okkur, Listasafn Gerðar Helgadóttur blasir við og Salurinn. Þá er Borgarholtið hér allt í kring, með nýju safnaðarheimili Kópavogskirkju á horni Hábrautar. Börnin þurfa því ekki að fara langt til að upplifa fagurt útsýni, fallegar byggingar og menningu. Vettvangsferðir eru tíðar í nærliggjandi stofnanir og nánasta umhverfi.

Vinnustaðurinn

Matráður óskast

Leikskólinn Kópasteinn óskar eftir því að ráða matráð í framtíðarstarf.

Kópasteinn tók til starfa árið 1964. Skólinn er 5 deilda leikskóli í tveimur húsum með 98 börn á aldrinum 1 - 5 ára. Starfað er eftir Aðalnámskrá leikskóla, með áherslu á lífsleikni, tónlist og málrækt. Gaman saman eru einkunnarorð skólans sem endurspegla starfið og andann í leikskólanum.

Við óskum eftir metnaðarfullum og drífandi matráð sem hefur áhuga á að framleiða næringarríkan og bragðgóðan mat handa okkur.

Fríðindi í starfi

Stytting vinnuvikunnar

Starfsfólk Kópavogsbæjar fær frían aðgang að sundlaugum bæjarins

Helstu verkefni og ábyrgð

Framleiðir hollan og næringaríkan mat fyrir börn og starfsfólk.
Framleiðir mat fyrir börn með fæðuofnæmi / óþol.
Vinnur samkvæmt því skipulagi sem leikskólastjóri ákveður.
Hefur yfirumsjón með störfum aðstoðarmatráðs.
Mikilvægt er að eiga gott samstarf við börn og aðra starfsmenn leikskólans.
Sinnir þeim verkefnum er varða eldhús, þvottahús sem og kaffistofu sem yfirmaður felur honum.

Menntunar- og hæfniskröfur

Nám í matvælafræði.
Þekking á framleiðslu og bakstri.
Sjálfstæði, skipulag og metnaður í vinnubrögðum.
Hreinlæti og snyrtimennska er skilyrði.
Þekking og meðvitund um næringargildi og hollustu matvæla.
Þekking á matargerð fyrir börn með bráðaofnæmi og óþol.
Stundvísi, sveigjanleiki og jákvæðni.
Góð samskiptahæfni.
Góð íslenskukunátta skilyrði.

Laun eru samkvæmt kjarasamningi Sambands íslenskra sveitafélaga og viðeigandi stéttarfélags.

Umsóknarfrestur er til og með 27. maí 2024. Æskilegt er að viðkomandi geti hafið störf í ágúst eða eftir samkomulagi. Starfshlutfall er 100%.

Þeir sem eru ráðnir til starfa í leikskólum Kópavogs þurfa að undirrita heimild til að afla upplýsingar úr sakaskrá.

Eingöngu er tekið við umsóknum í gegnum ráðningarvef Alfreðs.

Öllum umsóknum verður svarað þegar ákvörðun um ráðaningu hefur verið tekin.

Nánari upplýsingar veita Margrét Lárusdóttir leikskólastjóri og Linda Olsen aðstoðarleikskólastjóri í síma 4415701. Einnig má senda fyrirspurnir á kopasteinn@kopavogur.is

Auglýsing stofnuð7. maí 2024

Umsóknarfrestur27. maí 2024

Tungumálakunnátta