Matráður - Heilsuleikskólinn Hamravellir

Heilsuleikskólinn Hamravellir óskar eftir að ráða metnaðarfullan matráð í fullt starf.

Í Heilsuleikskólanum Hamravöllum er hópur faglegra og skemmtilegra starfsmanna sem óskar eftir liðsauka.

Hamravellir er staðsettur innarlega á Völlunum í Hafnarfirði þar sem stutt er í ósnortna náttúru. Hamravellir er heilsuleikskóli þar sem áhersla er lögð á hollt mataræði, útiveru, hreyfingu og sköpun. Einkunnarorð leikskólans eru hreyfing, sköpun og vellíðan. Gildi leikskólans eru leikur og umhyggja.

Helstu verkefni og ábyrgð:

• Annast matargerð í mötuneyti leikskólans
• Sér um innkaup fyrir mötuneyti leikskólans
• Eldar samkvæmt sameiginlegum matseðlum leikskóla Hafnarfjarðar
• Annast dagleg þrif eldhúss
• Hefur umsjón með tækjum og búnaði í eldhúsi
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Námskeið og/eða styttri námsleiðir á sviði matreiðslu er skilyrði
• Reynsla af starfi í eldhúsi/mötuneyti skilyrði
• Gerð er krafa um marktæka og góða reynslu á sviði matreiðslu
• Góð þekking á næringarfræði og rekstri mötuneyta
• Áhugi á heilbrigðu mataræði og vilji til að þróa matseðil í samvinnu við aðra
• Sjálfstæði, þjónustulund og góð samskiptafærni
• Góð almenn tölvuþekking
• Mjög góð íslenskukunnátta, að lágmarki C1 samkvæmt ETM Sjálfsmatsrammi (coe.int)

Fríðindi í starfi:

• Heilsuræktarstyrkur
• Samgöngustyrkur
• Bókasafnskort
• Sundkort
• 75% afsláttur af leikskólagjöldum
• Forgangur í leikskóla
• Stuðningur til menntunar

Skilyrði er að viðkomandi hafi hreint sakavottorð.

Nánari upplýsingar um starfið veitir Hildur Arnar Bjargardóttir, leikskólastjóri, [email protected] eða í síma 424-4640 eða Stephen James Midgley, aðstoðarleikskólastjóri, [email protected].

Launakjör eru samkvæmt kjarasamningi Sambands íslenskra sveitarfélaga við Verkalýðsfélagið Hlíf

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.