Laus störf Hæfnileit Vinnustaðir Námskeið

Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Lögfræðingur á skrifstofu rektors

Laust er til umsóknar fullt starf lögfræðings á skrifstofu rektors Háskóla Íslands.

Lögfræðingar rektorsskrifstofu starfa að fjölbreyttum verkefnum og í starfi þeirra reynir á flest svið lögfræðinnar, en réttarreglur opinbers réttar eru í forgrunni. Þeir koma fram fyrir hönd Háskóla Íslands við úrlausn stjórnsýslumála og annarra lögfræðilegra viðfangsefna.

Helstu verkefni og ábyrgð

Aðstoð og ráðgjöf við stjórnendur og starfsfólk Háskóla Íslands
Túlkun laga og reglna, aðstoð við samningu reglna, verklagsreglna, ferla og samningagerð við innlenda og erlenda aðila, aðstoð við útboð og álitaefni er varða réttindi og skyldur nemenda
Ráðgjöf og gerð minnisblaða vegna dómsmála og mála hjá úrskurðaraðilum stjórnsýslunnar og umboðsmanni Alþingis
Þátttaka í nefndarstarfi og teymisvinnu innan skólans

Menntunar- og hæfniskröfur

Embættis- eða meistarapróf í lögfræði
Þekking á sviði stjórnsýsluréttar og á öðrum sviðum opinbers réttar
Reynsla af lögfræðistörfum í opinberri stjórnsýslu æskileg
Hæfni í ritun lögfræðilegra texta, sem og nákvæmni í vinnubrögðum
Samskiptahæfni og hæfni til þátttöku í teymisvinnu
Sjálfstæði og frumkvæði í vinnubrögðum
Gott vald á íslensku og ensku, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Nánari upplýsingar veitir Magnús Diðrik Baldursson, skrifstofustjóri rektorsskrifstofu á [email protected]

Auglýsing birt12. nóvember 2025

Umsóknarfrestur18. nóvember 2025

Tungumálahæfni