Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Lögfræðingur

Háskólaskrifstofa Háskólans í Reykjavík óskar eftir metnaðarfullum og hæfum lögfræðingi í 70% starf tímabundið til 1. mars 2027. Starfið er fjölbreytt og krefjandi og felur í sér víðtæka ábyrgð á lögfræðilegum málefnum háskólans.

Helstu verkefni og ábyrgð

Ábyrgð á lögfræðilegum álitaefnum er varða starfsemi HR, þar á meðal umsjón með úthýsingu persónuverndar og annarra lögfræðilegra mála.
Umsjón með samningum HR sem berast háskólaskrifstofu, þ.m.t. samningsgerð við innlenda og erlenda aðila og ráðgjöf.
Lögfræðileg ráðgjöf til stjórnenda og starfsmanna, m.a. varðandi túlkun reglna HR, nemendamál og agaviðurlög.
Samskipti við opinbera aðila, lögmannsstofur og gagnaðila vegna lögfræðilegra mála.
Umsjón með regluverki HR, þar á meðal gerð nýrra reglna, uppfærslu reglna og innleiðingu.
Þátttaka í rýni stefnu, viðbragðsáætlana og annarra lykilskjala.
Skipulagning og utanumhald aðalfunda dótturfélaga ásamt annarri lögfræðilegri ráðgjöf.

Menntunar- og hæfniskröfur

Embættis- eða meistarapróf í lögfræði
Þekking á sviði stjórnsýsluréttar er kostur
Hæfni í ritun lögfræðilegra texta, sem og nákvæmni í vinnubrögðum
Samskiptahæfni og hæfni til þátttöku í teymisvinnu
Sjálfstæði og frumkvæði í vinnubrögðum
Gott vald á íslensku og ensku, bæði í ræðu og riti

Umsóknarfrestur er til og með 5. janúar 2026. Með umsókn skal fylgja ferilskrá og kynningarbréf. Háskólinn í Reykjavík hvetur öll kyn til að sækja um. Æskilegt er að viðkomandi geti hafið störf 1. mars 2026.

Umsóknum skal skilað á vef Háskólans í Reykjavík hér að neðan. Einungis er tekið við umsóknum í gegnum umsóknarkerfið. Nánari upplýsingar veitir Ólöf Vigdís Ragnarsdóttir, skrifstofustjóri háskólaskrifstofu [email protected]. Farið er með allar fyrirspurnir og umsóknir sem trúnaðarmál.

Háskólinn í Reykjavík er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.000 í sjö deildum og starfsfólk er um 300 talsins, auk 350 stundakennara.

Auglýsing birt22. desember 2025

Umsóknarfrestur5. janúar 2026

Tungumálahæfni