Laus störf Hæfnileit Vinnustaðir Námskeið

Fagrabrekka

Leikskólinn Fagrabrekka er fjögra deilda leikskóli þar sem dvelja um 70 börn. Leikskólinn starfar eftir hugmyndafræði Reggio Emilia en mikil áhersla er lögð á að börnin læri af reynslu. Leikskólinn hefur sett þau markmið bæði börn og starfsfólk beri virðingu fyrir sjálfum sér og öðrum og að sýna gleði og frumkvæði í leik og starfi. Í Fögrubrekku reynum við að láta börnin fylgja sínum hóp, bæði börnum og kennurum, í gegnum skólagönguna. Það stuðlar að því að börnin mynda sterk tengsl bæði við leikfélaga sína og kennara. Einnig hjálpar þetta við að byggja upp gott samband á milli leikskóla og foreldra, þar sem við kynnumst vel á þeim árum sem börnin eru í leikskólanum.

Vinnustaðurinn

Leikskólastjóri óskast í leikskólann Fögrubrekku

Leikskólinn Fagrabrekka hóf starfsemi sína 22. desember 1976. Fagrabrekka er fjögurra deilda leikskóli fyrir börn á aldrinum eins árs til sex ára. Starfað er eftir hugmyndafræði Reggio Emilia sem kennd er við samnefnda borg á Ítalíu.

Megin áhersla er lögð á skapandi starf í öllum listgreinum, einnig er lögð áhersla á lýðræðisleg vinnubrögð starfsfólks og barna og getu barna til að afla sér reynslu og þekkingar á sínum eigin forsendum. Tónlist og hreyfing er rauði þráðurinn í starfinu sem stuðlar að vellíðan og hefur í för með sér gleði og ánægju. Einkunnarorð leikskólans virðing, gleði og frumkvæði eru ávallt í forgrunni.

Leitað er að stjórnanda sem hefur góða hæfni í mannlegum samskiptum, er skipulagður, umbótadrifinn og hefur metnað til að ná árangri í starfi. Leikskólastjóri er leiðtogi skólans, veitir faglega forystu og býr yfir hæfni og frumkvæði til að skipuleggja skapandi leikskólastarf í samvinnu við starfsfólk leikskólans og menntasvið Kópavogsbæjar.

Nánari upplýsingar um leikskólann má finna á heimasíðunni okkar: https://fagrabrekka.kopavogur.is/

Helstu verkefni og ábyrgð

Stjórnun og ábyrgð á daglegri starfsemi leikskólans og að unnið sé eftir aðalnámskrá leikskóla og skólanámskrá leikskólans
Vera faglegur leiðtogi leikskólans sem deilir verkefnum og ábyrgð til starfsfólks í samræmi við skólanámskrá
Rekstrarleg ábyrgð á að rekstur leikskólans sé innan ramma fjárhagsáætlunar
Ábyrgð á starfsmannamálum, svo sem ráðningum, vinnutilhögun og starfsþróun
Ábyrgð á foreldrasamstarfi
Upplýsingamiðlun til deildarstjóra leikskóladeildar og menntasviðs Kópavogsbæjar
Kynna sér nýjungar í starfi, miðla þekkingu til starfsfólks og hvetja til þróunar og nýbreytni í skólastarfi

Menntunar- og hæfniskröfur

Kennaramenntun og leyfisbréf kennara
Sérhæfð hæfni á leikskólastigi, sem felur í sér a.m.k. 90 ECTS námseiningar sem tengjast aðalnámskrá leikskóla og menntunarfræðum leikskóla
Framhaldsmenntun (MA, MEd, MBA eða Diplóma að lágmarki) á sviði stjórnunar eða uppeldis- og menntunarfræða
Reynsla af starfi og stjórnun í leikskóla
Reynsla af rekstri leikskóla og gerð og eftirfylgni fjárhagsáætlana æskileg
Forystuhæfileikar og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð íslenskukunnátta og færni til að tjá sig bæði í ræðu og riti

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 26. júlí 2026.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Allir einstaklingar sem ráðnir eru til starfa í leikskólum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Nánari upplýsingar veitir Sigrún Hulda Jónsdóttir deildarstjóri leikskóladeildar Kópavogsbæjar í netfanginu: [email protected]

Tekið er við umsóknum í gegnum ráðningavef Alfreðs.

Auglýsing birt10. júlí 2026

Umsóknarfrestur26. júlí 2026

Tungumálahæfni