Laus störf Hæfnileit Vinnustaðir Námskeið

Rjúpnahæð

Leikskólinn Rjúpnahæð er sex deilda leikskóli staðsettur við Rjúpnasali í Kópavogi. Leikskólinn vinnur eftir aðalnámskrá leikskóla og samkvæmt leikskólastefnu Kamii og DeVries, sem byggist á hugsmíðahyggju. Hugsmíðahyggja er sú hugmynd að tækið sem barnið notar til náms er leikurinn, hann er kjarninn í uppeldi og menntun þess. Litið er á barnið sem virkan aðila að eigin uppbyggingu félagslegrar færni, siðgæðis- og vitsmunaþroska. Meginmarkmið leikskólans er að stuðla að sjálfræði barnanna með lýðræði að leiðarljósi. Unnið er út frá forsendum barnanna miðað við þroska og getu sem lýsir sér í því að umhverfi barnanna sé skipulagt þannig að það stuðli að því að barnið geti með góðu móti nálgast þann efnivið sem það þarfnast og umhverfið sé hvetjandi, rannsakandi, áhugavert og að það veki hjá þeim hvöt til að rannsaka, kanna og skoða. Í uppeldisstefnunni varðandi sjálfræði eru fræði Devires og Kamii höfð til hliðsjónar einnig er stuðst við Barnasáttmálann. Í leikskólanum er lögð mikil áhersla þátttöku barnanna í skólasamfélaginu með því að fá þeirra sjónarmið á málefnum sem skipta þau máli. Allar þessar áherslur tengjast með skýrum hætti Heimsmarkmiðum Sameinuðu þjóðanna og áherslu á sjálfbærni menntun.

Vinnustaðurinn

Leikskólastjóri óskast í leikskólann Rjúpnahæð

Rjúpnahæð er sex deilda leikskóli í Salahverfinu, sem er í stöðugri þróun. Þar starfa um 35 starfsmenn með 106 börnum á aldrinum 1-6 ára. Í leikskólanum starfar faglegur og framúrskarandi starfsmannahópur sem vinnur saman að gera góðan leikskóla enn betri.

Hugmyndafræði leikskólans byggir á hugsmíðahyggju og meginmarkmið okkar er sjálfræði með lýðræði að leiðarljósi. Einkunnarorð skólans eru sjálfræði - gleði - virðing - lýðræði.

Leitað er að stjórnanda sem hefur góða hæfni í mannlegum samskiptum, er skipulagður, umbótadrifinn og hefur metnað til að ná árangri í starfi. Leikskólastjóri er leiðtogi skólans, veitir faglega forystu og býr yfir hæfni og frumkvæði til að skipuleggja skapandi leikskólastarf í samvinnu við starfsfólk leikskólans og menntasvið Kópavogsbæjar.

Nánari upplýsingar um leikskólann má finna á heimasíðunni okkar: https://rjupnahaed.kopavogur.is/

Helstu verkefni og ábyrgð

Stjórnun og ábyrgð á daglegri starfsemi leikskólans og að unnið sé eftir aðalnámskrá leikskóla og skólanámskrá leikskólans
Vera faglegur leiðtogi leikskólans sem deilir verkefnum og ábyrgð til starfsfólks í samræmi við skólanámskrá
Rekstrarleg ábyrgð á að rekstur leikskólans sé innan ramma fjárhagsáætlunar
Ábyrgð á starfsmannamálum, svo sem ráðningum, vinnutilhögun og starfsþróun
Ábyrgð á foreldrasamstarfi
Upplýsingamiðlun til deildarstjóra leikskóladeildar og menntasviðs Kópavogsbæjar
Kynna sér nýjungar í starfi, miðla þekkingu til starfsfólks og hvetja til þróunar og nýbreytni í skólastarfi

Menntunar- og hæfniskröfur

Kennaramenntun og leyfisbréf kennara
Sérhæfð hæfni á leikskólastigi, sem felur í sér a.m.k. 90 ECTS námseiningar sem tengjast aðalnámskrá leikskóla og menntunarfræðum leikskóla
Framhaldsmenntun (MA, MEd, MBA eða Diplóma að lágmarki) á sviði stjórnunar eða uppeldis- og menntunarfræða
Reynsla af starfi og stjórnun í leikskóla
Reynsla af rekstri leikskóla og gerð og eftirfylgni fjárhagsáætlana æskileg
Forystuhæfileikar og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð íslenskukunnátta og færni til að tjá sig bæði í ræðu og riti

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 26. júlí 2026.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Allir einstaklingar sem ráðnir eru til starfa í leikskólum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Nánari upplýsingar veitir Sigrún Hulda Jónsdóttir deildarstjóri leikskóladeildar Kópavogsbæjar í netfanginu: [email protected]

Tekið er við umsóknum í gegnum ráðningavef Alfreðs.

Auglýsing birt10. júlí 2026

Umsóknarfrestur26. júlí 2026

Tungumálahæfni