Laus störf Hæfnileit Vinnustaðir Námskeið

Grænatún

Grænatún er þriggja deilda leikskóli við Grænatún 3 í Kópavogi og þar dvelja börn á aldrinum 2-5 ára. Einkunnarorð leikskólans eru leikur og gleði og þau hríslast í gegnum allt skólastarfið. Leikskólinn leggur mikla áherslu á að vera með fjölbreytt starf allt árið um kring. Einnig er lagt mikið upp úr því að nýta nærumhverfið til vettvangsferða og útináms. Leikskólinn er með matjurtagarð á lóðinni en börnin taka virkan þátt í því að rækta grænmeti og kartöflur þar. Leikskólinn Grænatún tekur mið af og vinnur eftir þeim markmiðum sem lög um leikskóla kveða á um. Helstu áherslur í starfi eru virkt nám barnsins, að barnið læri með því að framkvæma og gera tilraunir sjálft. Leikurinn er þungamiðjan og þar tileinka börnin sér þekkingu en einnig er rík áhersla lögð á hinar daglegu þarfir. Þá er unnið markvisst með hreyfingu, tónlist og myndlist.

Vinnustaðurinn

Leikskólastjóri óskast í Grænatún

Leikskólinn Grænatún er 3 deilda leikskóli á yndislegum stað við Fossvogsdalinn. Í leikskólanum eru 63 börn á aldrinum 1 - 6 ára. Í Grænatúni er góður starfsandi þar sem áhersla er lögð á liðsheild, jákvæð samskipti og lausnamiðaða hugsun.

Leitað er að stjórnanda sem hefur góða hæfni í mannlegum samskiptum, er skipulagður, umbótadrifinn og hefur metnað til að ná árangri í starfi. Leikskólastjóri er leiðtogi skólans, veitir faglega forystu og býr yfir hæfni og frumkvæði til að skipuleggja skapandi leikskólastarf í samvinnu við starfsfólk leikskólans og menntasvið Kópavogsbæjar.

Einkunnarorð Grænatúns eru leikur og gleði.

Heimasíðan okkar er: Leikskólinn Grænatún

Helstu verkefni og ábyrgð

Stjórnun og ábyrgð á daglegri starfsemi leikskólans og að unnið sé eftir aðalnámskrá leikskóla og skólanámskrá leikskólans
Vera faglegur leiðtogi leikskólans sem deilir verkefnum og ábyrgð til starfsfólks í samræmi við skólanámskrá
Rekstrarleg ábyrgð á að rekstur leikskólans sé innan ramma fjárhagsáætlunar
Ábyrgð á starfsmannamálum, svo sem ráðningum, vinnutilhögun og starfsþróun
Ábyrgð á foreldrasamstarfi
Upplýsingamiðlun til deildarstjóra leikskóladeildar og menntasviðs Kópavogsbæjar
Kynna sér nýjungar í starfi, miðla þekkingu til starfsfólks og hvetja til þróunar og nýbreytni í skólastarfi

Menntunar- og hæfniskröfur

Kennaramenntun og leyfisbréf kennara. Sérhæfð hæfni á leikskólastigi, sem felur í sér a.m.k. 90 ECTS námseiningar sem tengjast aðalnámskrá leikskóla og menntunarfræðum leikskóla
Framhaldsmenntun (MA, MEd, MBA eða Diplóma að lágmarki) á sviði stjórnunar eða uppeldis- og menntunarfræða
Reynsla af starfi og stjórnun í leikskóla
Reynsla af rekstri leikskóla og gerð og eftirfylgni fjárhagsáætlana æskileg
Forystuhæfileikar og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð íslenskukunnátta og færni til að tjá sig bæði í ræðu og riti

Fríðindi í starfi

Starfsfólk Kópavogsbæjar fær frían aðgang að sundlaugum bæjarins

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 26. maí 2026.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Allir einstaklingar sem ráðnir eru til starfa í leikskólum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Nánari upplýsingar veitir Sigrún Hulda Jónsdóttir deildarstjóri leikskóladeildar Kópavogsbæjar í netfanginu: [email protected]

Tekið er við umsóknum í gegnum ráðningavef Alfreðs.

Auglýsing birt12. maí 2026

Umsóknarfrestur26. maí 2026

Tungumálahæfni