Laus störf Hæfnileit Vinnustaðir Námskeið

Leikskólinn Kirkjuból

Leikskólinn Kirkjuból er þriggja deilda leikskóli, staðsettur nálægt miðbæ Garðabæjar í fallegu og fjölbreyttu umhverfi. Miklar endurbætur hafa verið gerðar á öllum skólanum og er hann eins og nýr í dag. Áherslur leikskólans eru á sköpun og lífsleikni ásamt náttúru og umhverfi. Leikskólinn starfar í anda fjölgreindakenningar Howards Gardner ásamt því að vinna með vináttuverkefni, Lubbi finnur málbein, Numicon og fleira. Einkunnarorð leikskólans eru: Virðing - Vinátta - Væntumþykja.

Vinnustaðurinn

Leikskólakennari óskast í leikskólann Kirkjuból

Leikskólinn Kirkjuból er þriggja deilda leikskóli, staðsettur nálægt miðbæ Garðabæjar í fallegu og fjölbreyttu umhverfi. Miklar endurbætur hafa verið gerðar á öllum skólanum og er hann eins og nýr í dag. Áherslur leikskólans eru á sköpun og lífsleikni ásamt náttúru og umhverfi. Leikskólinn starfar í anda fjölgreindakenningar Howards Gardner ásamt því að vinna með Vináttuverkefnið, Lubbi finnur málbein, Numicon og fleira.

Einkunnarorð leikskólans eru: Virðing - Vinátta - Væntumþykja.

Heimasíða leikskólans er: www.kirkjubolid.is

Við leitum að jákvæðum, stundvísum, ábyrgum og heiðarlegum starfsmanni til að bætast við metnaðarfullan starfsmannahóp leikskólans.

Helstu verkefni og ábyrgð

Vinnur með og undir stjórn deildarstjóra
Vinnur að uppeldi og menntun leikskólabarna samkvæmt starfslýsingu leikskólakennara

Menntunar- og hæfniskröfur

Leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði leikskóla
Reynsla af starfi á leikskólastigi eða starfi með börnum er æskileg
Íslenskukunnátta á stigi B2 samkvæmt evrópska tungumálarammanum
Góð samskiptahæfni
Frumkvæði og sjálfstæði í vinnubrögðum

Fríðindi í starfi

Full stytting og hluti af styttingu safnað í frídaga (sem teknir eru utan sumarorlofstímabils)
Leikskólinn er lokaður í dymbilviku og 2. janúar vegna styttingar starfsfólks
Opnunartími leikskólans er 7:30-16:30 mánud.- fimmtud. og 7:30-16:00 á föstudögum
Fimm skipulagsdagar á ári
25% stöðugildi á hverri deild vegna snemmtækrar íhlutunar
Starfsmannaafsláttur er af leikskólagjöldum og forgangur inn í leikskóla fyrir börn starfsmanna
Eftir þrjá mánuði í starfi getur starfsfólk fengið frítt árskort í sundlaugar bæjarins
Eftir þrjá mánuði í starfi getur starfsfólk fengið frítt bókasafnskort í Bókasafn Garðabæjar ásamt fríu menningarkorti í Hönnunarsafn Íslands
Eftir sex mánuði í starfi getur starfsfólk fengið heilsuræktarstyrk

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Um er að ræða 100 % stöðu sem er laus sem fyrst eða eftir samkomulagi.

Umsóknarfrestur er til og með 24. mars 2026.

Nánari upplýsingar um starfið veitir Berglind Ósk Þráinsdóttir leikskólastjóri í síma 591-9360 eða með því að senda tölvupóst á [email protected]

Samkvæmt lögum verða umsækjendur sem eru ráðnir að skrifa undir heimild til upplýsingaöflurnar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélags.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um með því að smella á Skrá inn og sækja um starfið hér fyrir neðan

Auglýsing birt10. mars 2026

Umsóknarfrestur24. mars 2026

Tungumálahæfni