Leikskólakennari eða leiðbeinandi óskast í Sólhvörf
Leikskólinn Sólhvörf er staðsettur í fallegu umhverfi Elliðavatns, við Álfkonuhvarf 17 í Kópavogi. Hann tók til starfa árið 2008 og þar dvelja um 130 börn á aldrinum 1-6 ára á sjö deildum. Einkunnarorð og gildi leikskólans eru virðing, sjálfræði og virkni.
Sólhvörf fylgir áherslum Hugsmíðahyggjunnar í uppeldisstarfi leikskólans með áherslu á sjálfræði barnsins, þar sem börn læra með því að prófa sig áfram í leik og starfi. Leikurinn er kjarninn í uppeldi og menntun hvers barns en í gegnum leikinn byggir barnið upp þekkingu. Lögð er áhersla á að börn læri að bera virðingu og umhyggju fyrir öðru fólki og þrói með sér samkennd, tillitssemi og vináttu.
Í Sólhvörfum vinnur skemmtilegur og samstarfsfús hópur af starfsfólki með víðtæka reynslu. Virðing, sjálfræði og virkni eru gildi sem birtast einnig í vinnu starfsmanna því mikil áhersla er á samhjálp, samvinnu og dreifða ábyrgð starfsmanna.
Athygli er vakin á því að Kópavogur hefur samþykkt 6 tíma gjaldfrjálsan leikskóla ásamt auknum sveigjanleika og takmörkun í opnunartíma leikskóla í dymbilviku, milli jóla og nýárs og vetrarfríum. Hér má sjá meira um það
Heimasíðan okkar er: https://solhvorf.kopavogur.is/
- Vinnur að uppeldi og menntun barnanna.
- Tekur þátt í skipulagningu faglegs starfs deildarinnar undir stjórn deildarstjóra.
- Vinnur í nánu samstarfi við foreldra/forráðamenn barnanna.
- Sinnir þeim verkefnum er varðar uppeldi og menntun barnanna sem yfirmaður felur honum.
- Starfið felur í sér almenna kennslu.
- Leikskólakennaramenntun eða önnur uppeldismenntun.
- Ábyrgur og jákvæður einstaklingur sem á auðvelt með mannleg samskipti.
- Sjálfstæð vinnubrögð.
- Góð íslenskukunnátta.
- Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi.
- Starfsfólk Kópavogsbæjar fær frían aðgang að sundlaugum bæjarins
- Styttri vinnuvika, stytting er að hluta til tekin á milli jóla- og nýárs, í dymbilviku og tveimur vetrarfríum
- Frír matur
Íslenska
