Umhverfis- og tæknisvið Uppsveita bs.

Undir embættið heyra skipulags- og byggingarmál sex sveitarfélaga og er það eitt stærsta embætti á sviði skipulags- og byggingamála á landinu.

Vinnustaðurinn

Laus er til umsóknar ný staða sérfræðings í skipulagsmálum

Umhverfis- og tæknisvið Uppsveita bs. leitar eftir sérfræðing í skipulagsmálum. Undir embættið heyra skipulags-, seyru- og byggingarmál sex sveitarfélaga. Við leitum af einstaklingi sem hefur brennandi áhuga á skipulagsmálum. Viðkomandi þarf að vera jákvæður, ábyrgur og með góða skipulagshæfni ásamt lipurð í mannlegum samskiptum. Sérfræðingur í skipulagsmálum mun starfa í nánu samstarfi við skipulagsfulltrúa, starfsfólk og hagaðila innan sem utan embættisins með það að markmiði að stuðla að framþróun og umbótum í þessum mikilvæga málaflokki.

Helstu verkefni og ábyrgð

· Ráðgjöf og upplýsingagjöf um skipulag- og lóðamál.

· Samskipti og bréfaskrif.

· Undirbúningur funda skipulagsnefndar, lögformleg afgreiðsla erinda og eftirfylgni mála.

· Rýna og yfirfara skipulagsgögn.

· Önnur tilfallandi verkefni tengd skipulags- og lóðamálum.

Menntunar- og hæfniskröfur

· Framhaldsmenntun á háskólastigi sem nýtist í starfi.

· Reynsla af starfi tengdu skipulagsmálum er skilyrði.

· Þekking á opinberri stjórnsýslu.

· Metnaður og frumkvæði til að ná árangri í starfi.

· Hæfni í mannlegum samskiptum.

· Góð almenn tölvukunnátta.

Um er að ræða fullt starf og æskilegt er að viðkomandi geti hafið störf sem fyrst, möguleiki er á fjarvinnu eftir samkomulagi. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsóknum skal fylgja starfsferilsskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfi til að sinna starfinu.

Nánari upplýsingar veitir

Nanna Jónsdóttir, – [email protected] – 480-5550

Auglýsing birt2. október 2025

Umsóknarfrestur20. október 2025

Tungumálahæfni