Laus störf Hæfnileit Vinnustaðir Námskeið

Kóraskóli

Kóraskóli er nýr skóli við Vallakór í Kópavogi sem tók til starfa haustið 2023. Í skólanum eru um 280 nemendur í 8. – 10. bekk og um 30 starfsmenn. Skólinn var áður unglingastig Hörðuvallaskóla sem hefur nú verið skipt upp í tvo sjálfstæða skóla. Í skólanum er lögð áhersla á skapandi og framsækið skólastarf og eru allir nemendur skólans með spjaldtölvur. Í námi og kennslu er rík áhersla lögð á einstaklingsmiðun náms, fjölbreytta kennsluhætti, leiðsagnarnám, verkefnamiðað nám, samþætt þemanám, teymiskennslu og samkennslu. Í Kóraskóla er lögð áhersla á að við berum virðingu fyrir hvert öðru sem nemendur, foreldrar og starfsfólk. Öll eiga rétt á að njóta öryggis, vera laus við stríðni, meiðingar, hrekki og einelti. Kóraskóla hefur það að markmiði að skapa nemendum og starfsfólki góðan vinnustað þar sem öll geta notið sín í góðum vinnufriði með hlýlegu andrúmslofti.

Vinnustaðurinn

Kóraskóli óskar eftir húsverði í 60% starf

Í Kóraskóla eru um 230 nemendur í 8.- 10. árgangi og um 40 starfsmenn. Í skólanum er lögð áhersla á skapandi og framsækið skólastarf og eru allir nemendur skólans með spjaldtölvur. Í námi og kennslu er rík áhersla lögð á einstaklingsmiðun náms, fjölbreytta kennsluhætti, leiðsagnarnám, samþætt þemanám, teymiskennslu og samkennslu.

Kóraskóli leitar að metnaðarfullum og þjónustuliprum húsverði. Um er að ræða 60% starf og viðkomandi verður að geta hafið störf sem fyrst. Vinnutími getur verið frá hádegi eða eftir samkomulagi.

Upplýsingar um skólastarfið í Kóraskóla, stefnu hans og helstu áherslur er að finna á heimasíðu skólans www.koraskoli.is

Helstu verkefni og ábyrgð

Hefur daglegt eftirlit með húsnæði og þrifum skólans, húsgögnum, áhöldum og lóð.
Sinnir daglegri verkstjórn skólaliða og skipuleggur störf þeirra við þrif, gæslu, aðstoð í mötuneyti/matsal og önnur dagleg störf.
Sinnir minniháttar viðhaldi á eignum og búnaði, tilkynnir um frekari viðhaldsþörf, jafnt innanhúss sem utan og á samskipti við eignasvið Kópavogsbæjar.
Sér um að hiti, lýsing og loftræsting sé fullnægjandi og að öll kerfi starfi rétt.
Stillir upp fyrir og aðstoðar við stærri fundi eða viðburði í skólanum.
Sér um að sorp sé flokkað, fjarlægt og lóð þrifaleg.
Sér um snjómokstur og hálkueyðingu við innganga skólans sem og samskipti við þjónustumiðstöð vegna moksturs/hálkueyðingar á stærri svæðum.
Sér um innkaup á hreinlætis- og rekstrarvörum og öðru sem snýr að viðhaldi húss og búnaðar.
Sinnir ýmsum útréttingum fyrir skólann.
Önnur tilfallandi verkefni.

Menntunar- og hæfniskröfur

Iðnmenntun er kostur.
Mjög góð almenn verk- og tæknikunnátta.
Reynsla og þekking sem nýtist í starfi.
Reynsla af stjórnun verkefna og starfsmannahópa æskileg.
Þjónustulipurð og góð hæfni í samskiptum við börn og fullorðna.
Reglusemi, samviskusemi, snyrtimennska, stundvísi og áreiðanleiki.
Góð skipulagshæfni og sjálfstæði og frumkvæði í starfi.
Almenn ökuréttindi og þarf að hafa bíl til umráða. Greitt er kílómetragjald vegna sendiferða samkvæmt kjarasamningi.
Góð færni í íslensku, töluðu og rituðu máli.

Fríðindi í starfi

Starfsfólk Kópavogsbæjar fær frían aðgang í sundlaugar bæjarins

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Bent er á að samkvæmt lögum þurfa umsækjendur að samþykkja heimild til öflunar upplýsinga úr sakaskrá.

Tekið verður mið af jafnréttisstefnu Kópavogsbæjar við ráðningu í starfið.

Upplýsingar gefur Inga Sigurðardóttir, [email protected] eða í síma 4414400 Einnig má senda fyrirspurnir á netfangið [email protected]

Tekið er á móti umsóknum í gegnum ráðningarvef Alfreðs.

Auglýsing birt26. ágúst 2026

Umsóknarfrestur6. september 2026

Tungumálahæfni