Kópavogsskóli - frístundaleiðbeinandi

Frístundaleiðbeinandi óskast

Við í Kópavogsskóla leitum að lífsglöðum og áhugasömum frístundaleiðbeinanda til að slást í okkar hóp og taka þátt í skemmtilegu skólastarfi. Starfið hentar mjög vel með námi!

Starf frístundaleiðbeinanda felst í leik og starfi með börnum og gæslu jafnt innan húss sem utan eftir að stundaskrá lýkur.

Kópavogsskóli er heildstæður grunnskóli með um 370 nemendur og 70 starfsmenn. Í skólanum er sérdeild fyrir nemendur á mið- og unglingastigi og frístundaheimili fyrir nemendur í 1. til 4. bekk.

Lögð er áhersla á skapandi og framsækið skólastarf og ýmis þróunarverkefni eru í gangi.Góður starfsandi er í skólanum og vinnuaðstæður góðar.

Ráðningartími og starfshlutfall

• Um er að ræða 50% framtíðarstarf
• Vinnutími er frá kl. 13 til 17 og hentar því mjög vel sem aukavinna með skóla
• Ráðningartími: frá 11. ágúst 2020

Menntunar og hæfniskröfur

• Góð íslenskukunnátta
• Uppeldismenntun eða önnur menntun sem nýtist í starfi æskileg.
• Þolinmæði og hæfni í mannlegum samskiptum.
• Viðkomandi þarf að vera sjálfstæður og drífandi.
• Stundvísi og áreiðanleiki skilyrði

Frekari upplýsingar

Laun eru samkvæmt kjarasamningi Sambands íslenskra sveitarfélaga og Starfsmannafélags Kópavogs.

Bent er á að samkvæmt lögum verða umsækjendur að skila sakavottorði.

Mjög viðamiklar upplýsingar um Kópavogsskóla og skólastarfið er að finna á www.kopavogsskoli.is.

Upplýsingar gefur Ásthildur Guðmundsdóttir forstöðumaður frístundar í síma 4413432 og Guðmundur Ásmundsson skólastjóri í síma 4413402.

Við hvetjum karla jafnt sem konur til að sækja um starfið.