Kennari / háskólamenntaður einstaklingur - við leitum að dásamlegum samstarfsaðila

Regnboginn leikskóli óskar eftir að ráða kennara í 100% stöðu.

Ef þú ert að leita að faglegum og notalegum vinnustað ásamt frábæru samstarfsfólki þá er Regnboginn rétti staðurinn fyrir þig. Áhersla er lögð á góða mönnun, jákvæðan og skemmtilegan skólabrag.

Regnboginn er 3ja deilda, einkarekinn leikskóli í Ártúnsholti, Reykjavík. Leikskólinn vinnur í anda Reggio Emilia stefnunnar með áherslu á skapandi starf, tilfinningalega styðjandi umhverfi, mál og læsi.

Kíktu endilega á heimasíðuna okkar fyrir nánari upplýsingar: www.regnbogi.is og þér er velkomið að hafa samband sé áhugi á að koma og kíkja til okkar.

Daglegur vinnutími er 7 klst og 15 mínútur.

Einkunnarorð skólans eru "Börn eru merkilegt fólk" og gildin okkar eru gleði - virðing - umhyggja. Meðal áherslna er að skapa barnvænt umhverfi, rækta tillitsemi, vináttu og kærleika og stuðla þannig að góðum samskiptum.

Okkar sýn er að öll börn eru sterk og hæfileikarík, hvert á sinn hátt.

Nánari upplýsingar veitir Fanney skólastjóri, gegnum netfangið [email protected] og Sigríður eigandi, gegnum netfangið [email protected].