Laus störf Hæfnileit Vinnustaðir Námskeið

Djúpavogsskóli

Djúpavogsskóli er einsetinn heildstæður skóli með um 80 nemendur í grunnskóla, úr dreifbýli og þéttbýli Djúpavogs. Í grunnskólanum er lögð mikil áhersla á samkennslu, samvinnu og þverfaglega vinnu nemenda og kennara. Mikil áhersla er lögð á að nýta hið stórkostlega umhverfi sem skólinn er staðsettur í, bæði við leik og störf. Hugrekki, virðing og samvinna eru einkunnarorð skólans og fléttast þau gildi á margþættan hátt inn í skólastarfið. Tónskóli Djúpavogs er hluti af Djúpavogsskóla og hann er starfræktur í skólanum.

Vinnustaðurinn

Kennarar óskast til starfa við Djúpavogsskóla

Djúpavogsskóli auglýsir eftir kennurum til starfa næsta skólaár.

Djúpavogsskóli er samrekinn grunn- og tónlistarskóli með um 70 nemendur. Skólinn vinnur í takt við hæglætishugmyndir Cittaslow og leggur mikla áherslu á velferð og vellíðan. Starfsandinn er góður og tækifærin eru mörg fyrir skapandi og jákvæða einstaklinga. Skólinn er í mikilli þróun með áherslu á samþættingu, úti- og grenndarnám, núvitund, sjálfbærni og teymisvinnu. Við leitum að kennurum sem hafa farsæla kennslureynslu og eru tilbúin að taka þátt í þróunarstarfi og starfa eftir stefnu og framtíðarsýn skólans.

Um framtíðarstörf er að ræða og starfshlutföll geta verið samkomulag við skólastjóra sem er næsti yfirmaður.

Eftirtalin störf eru auglýst:

Kennsla á yngsta-mið og unglingastig
Íþrótta og sundkennara á yngsta- mið og unglingastigi.
Tónlistarkennara við Tónlistarskóla Djúpavogs.

Helstu verkefni og ábyrgð

Annast kennslu nemenda samkvæmt meginmarkmiðum aðalnámsskrár grunnskóla með hliðsjón af þörfum og þroska nemenda i samráði við samkennara og skólastjórnendur.
Að taka virkan þátt í teymiskennslu, teymisvinnu og mótun og þróun skólastarfsins með velferð nemenda að leiðarljósi.
Mikil áhersla á teymiskennslu, samþættingu námsgreina og skapandi skólastarf.
Stuðla að jákvæðu og hvetjandi skólaumhverfi fyrir alla nemendur.
Þátttaka í að þróa faglegt skólastarf.
Stuðla að velferð nemenda í samstarfi við starfsfólk skólans.

Menntunar- og hæfniskröfur

Kennaramenntun og leyfisbréf til kennslu skilyrði.
Reynsla af kennslu æskileg
Gott vald á íslenskri tungu og áhugi á að nýta upplýsingatækni í kennslu.
Reynsla og áhugi á að starfa með börnum.
Áhugi á teymiskennslu og samstarfi
Frumkvæði og sjálfstæð vinnubrögð.
Mikil samskipta- og samstarfshæfni.
Faglegur metnaður og lausnamiðuð hugsun.
Stundvísi og samviskusemi
Hreint sakavottorð

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Þorbjörg Sandholt skólastjóri í síma 470 8710 eða á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt24. mars 2026

Umsóknarfrestur7. apríl 2026

Tungumálahæfni