Hornsteinn ehf

Eignarhaldsfélagið Hornsteinn ehf. á og rekur þrjú dótturfélög, BM Vallá, Sementsverksmiðjuna og Björgun, sem eiga sér rótgróna sögu á Íslandi. Þau byggja starfsemi sína á sterkri gæða- og þjónustuvitund enda mynda þau saman hornstein í íslenskum byggingariðnaði þar sem miklar kröfur eru gerðar til gæða og endingar íslenskra mannvirkja. Umhverfismál og sjálfbær nýting auðlinda er rauður þráður í starfseminni og er markvisst unnið að lausnum sem hafa jákvæðari umhverfisáhrif. Hjá fyrirtækjunum starfar fjölbreyttur og samhentur hópur fólks að því að gera mannvirkjagerð á Íslandi umhverfisvænni.

Vinnustaðurinn

Innkaupafulltrúi

Eignarhaldsfélagið Hornsteinn ehf. auglýsir eftir drífandi og metnaðarfullum einstaklingi í starf innkaupafulltrúa.

Meginhlutverk innkaupafulltrúa er að sinna innkaupum, samningagerð og birgðastýringu í samráði við forstöðumann innkaupa og regluvörslu. Innkaupafulltrúi sinnir vöktun á framlegð og rýrnun ásamt því að finna leiðir til að auka skilvirkni í aðfangakeðjunni.

Innkaupastefna fyrirtækisins leggur áherslu á ábyrg og hagkvæm innkaup, þau stuðli að gagnsæi, byggi á siðferðislegum viðmiðum og styðji við gæða- og sjálfbærnistefnu félaganna.

Um er að ræða fjölbreytt og spennandi starf í alþjóðlegu umhverfi með öflugum hóp fólks sem vinnur að því að gera mannvirkjagerð landsins vistvænni.

Helstu verkefni og ábyrgð

Innlend og erlend innkaup og samningagerð
Birgðastýring og pantanir
Samskipti við birgja, deildir og fyrirtæki samstæðunnar
Eftirfylgni og yfirsýn frá pöntun til afhendingar
Þátttaka í þróun og mótun
Önnur tilfallandi verkefni

Menntunar- og hæfniskröfur

Menntun og/eða reynsla sem nýtist í starfi
Talnalæsi og greiningarhæfni
Gott vald á íslensku og ensku
Góð almenn tölvukunnátta - þekking/reynsla af ERP kerfi er kostur
Frumkvæði, nákvæmni og sjálfstæð vinnubrögð
Rík þjónustulund, samskiptafærni, lipurð og jákvætt viðmót

Fríðindi í starfi

Aðgangur að mötuneyti í hádeginu

Hvers vegna að starfa hjá Hornstein

1) Áherslur í umhverfismálum

Við vinnum að því að gera mannvirkjagerð landsins umhverfisvænni með vörum og lausnum sem hafa jákvæðari umhverfisáhrif. Umhverfismál, sjálfbærni, gæði og góð þjónusta er sameiginlegur drifkraftur okkar og hvetur okkur áfram í starfi.

2) Áherslur á vellíðan og öryggi

Við leggjum áherslu á öryggismál og vellíðan með sterka öryggismenningu - enda eiga allir að koma heilir heim eftir vinnudaginn. Starfsfólk er hvatt til þess að leggja rækt við andlega og líkamlega heilsu. Við erum fjölskylduvænn vinnustaður, bjóðum upp á góða heilsuverndarþjónustu og frían hádegismat (utan hlunnindaskatt).

3) Áherslur á liðsheild

Við vitum að gott samstarf er lykillinn að árangri. Þess vegna byggjum við upp öfluga liðsheild og tryggjum starfsskilyrði sem stuðla að starfsánægju og starfsþróun. Reglulegir viðburðir og öflugt starfsmannafélag skapa skemmtilegar samverustundir með vinnufélögum og mökum.

4) Áherslur á fræðslumál

Við styðjum við bakið á fróðleiksfúsum starfsmönnum og starfrækjum fræðslukerfið Samsteypuna til að halda utan um stafrænt fræðsluefni fyrir starfsfólk. Starfsfólk af erlendum uppruna fær einnig aðgang að stafrænum íslenskukennara til að efla íslenskukunnáttu.

Smelltu á hlekkinn til að fræðast meira um vinnustaðinn.

Mannauðsstefna

Mannauðsstefna fyrirtækisins lýsir vilja fyrirtækisins til að vera eftirsóttur vinnustaður sem byggir á sterkri sögu, liðsheild með viðamikla reynslu og þekkingu. Stefnunni er ætlað að tryggja starfsmönnum sem best starfsskilyrði og möguleika til að vaxa og dafna. Mikil áhersla er á faglega vinnu þar sem ferlar, árangur og stöðugar úrbætur eru hafðar að leiðarljósi. Við tilheyrum liðsheild þar sem metnaðarfullt starf er unnið af jákvæðu og ábyrgu fólki í anda jafnræðis.

Jöfn tækifæri

Með jafnréttisstefnunni okkar tryggjum við að starfsfólk hafi jafna möguleika óháð kyni, þjóðerni, kynþætti, kynhneigð, aldurs og fleiri þátta.

Eignarhaldsfélagið Hornsteinn ehf. á og rekur þrjú dótturfélög sem starfa við öflun hráefna, framleiðslu, sölu og þjónustu á byggingarmarkaði og við mannvirkjagerð á Íslandi. Fyrirtækin eru Björgun ehf., BM Vallá ehf. og Sementsverksmiðjan ehf., og hafa þessi félög rótgróna sögu á Íslandi sem rekja má allt aftur til fyrri hluta síðustu aldar. Hjá fyrirtækjunum starfa um 200 manns á starfsstöðvum víða um land en skrifstofa Hornsteins ehf. er á Bíldshöfða 7.

Auglýsing birt23. maí 2025

Umsóknarfrestur13. júní 2025

Tungumálahæfni