Hótel Örk er fyrsta flokks hótel í Hveragerði. Aðstaðan frábær en þar má finna sundlaug, heita potta, gufubað ásamt pool borði og borðtennisborði. Þá eru þar einnig margir fundarsalir ásamt HVER Restaurant. Á hótelinu eru 157 herbergi í fjórum flokkum. Standard herbergin eru rúmgóð og flest með baðkari. Superior herbergin eru með sturtu og í herbergjunum eru gluggar sem ná alveg niður á gólf. Junior svíturnar eru svo rúmgóðar fyrir fjölskyldur eða fyrir þá sem vilja aðeins meira pláss. Svíturnar eru stórglæsilegar. Þær eru um 55 fermetra og eru á efstu hæð hótelsins. Þaðan er glæsilegt útsýni af hornsvölunum. Í svefnherberginu er einnig þakgluggi sem gerir gestunum kleift að njóta stjörnubjartra kvölda og jafnvel að sjá norðurljósin dansa fyrir ofan hótelið.