Hjúkrunarfræðingur óskast til starfa hjá Heilsuvernd heilsugæslu

Heilsuvernd er ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, almennri heilsugæsluþjónustu og heilbrigðisþjónustu fyrir aldraða.

Heilsuvernd heilsugæsla óskar eftir að ráða hjúkrunarfræðing í sitt öfluga teymi. Við leitum að einstakling sem hefur jákvæðni og góð samskipti að leiðarljósi, er sjálfstæður í vinnubrögðum en vill um leið vera hluti af sterku teymi. Um tímabundið starf er að ræða til 12 mánaða, með möguleika á ótímabundinni ráðningu að því loknu. Starfshlutfall er á bilinu 80-100% þar sem unnið er á dagvinnutíma.

Heilsugæslan Urðarhvarfi er einkarekin heilsugæsla sem starfar undir merkjum Heilsuverndar. Heilsuvernd heilsugæsla er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Við leggjum áherslu á að hafa jákvæð áhrif á lífsgæði fólks og efla heilbrigði og vellíðan. Heilsugæslan Urðarhvarfi býr yfir sérstaklega góðum starfsanda, samvinnu og metnaði starfsfólks.

Hjá Heilsuvernd heilsugæslu leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi og faglega þjónustu.