Laus störf Hæfnileit Vinnustaðir Námskeið

Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Heilsuleikskólinn Holtakot auglýsir eftir deildastjóra í 100% starfshlutfall

Leikskólinn er fjögurra deilda leikskóli þar sem lögð er áhersla á hreyfingu, listsköpun og hollt matarræði. Skólinn er Grænfánaskóli og starfar eftir "Uppeldi til ábyrgðar". Auk þess að vinnum við út frá Leikur að læra þar sem áherslan er á bóklegt nám í gengum leik.

Einkunnarorð skólans eru: Jákvæðni, virðing og öryggi. Áhersla er lögð á metnaðarfullt starf.

Stefna leikskólans í starfsmannahaldi er að í skólanum starfi uppeldismenntaðir starfsmenn af báðum kynjum. Heimasíða leikskólans http://www.holtakot.is/

Helstu verkefni og ábyrgð

Vinnur með og undir stjórn leikskólastjóra
Er hluti af stjórnunarteymi leikskólans
Ber ábyrgð á stjórnun og skipulagningu starfsins á deildinni
Sér um foreldrasamstarf á deildinni
Vinnur að uppeldi og menntun leikskólabarna samkvæmt starfslýsingu deildarstjóra

Menntunar- og hæfniskröfur

Leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði leikskóla
Reynsla af starfi á leikskólastigi
Íslenskukunnátta á stigi B2 samkvæmt evrópska tungumálarammanum
Góð samskiptahæfni
Frumkvæði og sjálfstæði í vinnubrögðum
Góð tölvukunnátta

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Fríðindi í starfi

Full stytting eða einn frídagur í mánuði og hluti af styttingu safnað í frídaga (sem teknir eru utan sumarorlofstímabils)
Leikskólinn er lokaður í dymbilviku og fyrsta virka dag í janúar vegna styttingar
Opnunartími leikskólans er 7:30-16:30 mánud.- fimmtud. og 7:30-16:00 á föstudögum
Fimm skipulagsdagar á ári
Forgangur á leikskóla fyrir börn starfsmanna með lögheimili í Garðabæ og í 75% starfshlutfalli eða meira
40% afsláttur á leikskólagjöldum fyrir starfsmenn með lögheimili í Garðabæ
25% stöðugildi vegna snemmtækrar íhlutunar inn á hverri deild
50% stöðugildi inn á yngstu deildir leikskóla ef fjöldi barna á aldrinum 1-2 ára eru fleiri en tíu á deild
Hægt er að sækja um námstengda styrki til að efla faglegt leikskólastarf
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn
Heilsuræktarstyrkur að upphæð 20.000 kr. eftir 6 mánuði í starfi
Bókasafnskort eftir 3 mánuði í starfi
Menningarkort eftir 3 mánuði í starfi
Sundlaugarkort eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Umsóknarfrestur er til og með 14. október. Um er að ræða 100% starfshlutfall

Nánari upplýsingar um starfið veita Ragnhildur Skúladóttir leikskólastjóri í síma 5502381 / 8215018 eða með því að senda fyrirspurn á [email protected]

Samkvæmt lögum verða umsækjendur sem eru ráðnir að skrifa undir heimild til upplýsingaöflurnar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.

Auglýsing birt29. september 2026

Umsóknarfrestur14. október 2026

Tungumálahæfni