Laus störf Hæfnileit Vinnustaðir Námskeið

Stekkjaskóli

Stekkjaskóli er nýr grunnskóli á Selfossi sem tók til starfa haustið 2021. Fyrsti áfangi nýbyggingar skólans var tekinn í notkun í mars 2023 og 2. áfangi var tekinn í notkun í janúar 2025. Næsta haust er gert ráð fyrir um 430 nemendum í 1.-9. bekk. Fullbyggður verður skólinn fyrir rúmlega 500 nemendur í 1.-10. bekk. Stekkjaskóli er hannaður og byggður sem teymiskennsluskóli, með vel skipulögðum árgangasvæðum, góðum list- og verkgreinastofum, glæsilegu bókasafni og náttúrufræðistofu með stórum gróðurskála. Byggingin þykir með glæsilegri skólabyggingum á landinu. Í Stekkjaskóla er lögð áhersla á teymiskennslu, teymisvinnu, tækni og nýsköpun, skapandi skólastarf, umhverfismál og jákvæðan skólabrag. Stefnumörkun skólans tekur meðal annars mið af menntastefnu Árborgar sem byggir á hugmyndinni um skólann sem lifandi lærdómssamfélag.

Vinnustaðurinn

Grunnskólakennari

Grunnskólakennari - kennsla nemenda með íslensku sem annað tungumál

Óskað er eftir grunnskólakennara frá og með 15. janúar 2023 eða eftir nánara samkomulagi. Kennarinn mun kenna nemendum sem eru með íslensku sem annað tungumál. Leitað er eftir áhugasömum og framsæknum kennara sem hefur brennandi áhuga á fjölmenningu.

Helstu verkefni og ábyrgð

Annast kennslu samkvæmt meginmarkmiðum aðalnámskrá grunnskóla með hliðsjón af þörfum og þroska nemenda
Fylgist með velferð nemenda, hlúir að þeim andlega og líkamlega í samræmi við eðli og þarfir hvers og eins svo að þeir fái notið sín sem einstaklinga
Tekur þátt í skólaþróun í samræmi við stefnu skóla og sveitarfélags
Vinnur samkvæmt viðmiðun um kennslu nemenda með íslensku sem annað tungumál
Undirbýr kennsluáætlanir og einstaklingnámskrár í samstarfi við umsjónarkennara
Umsjón með nemendateymum barna með íslensku sem annað tungumál
Situr mótttökuviðtöl og sér um stöðumat nemenda skv. móttökuáætlun sveitarfélagsins
Samskipti við foreldra og túlkaþjónustu

Menntunar- og hæfniskröfur

Leyfisbréf grunnskólakennara
Frumkvæði, skipulagshæfileikar og sjálfstæð vinnubrögð
Hæfni og áhugi á skólastarfi
Brennandi áhugi á fjölmenningu og kennslu nemenda af erlendum uppruna
Sérhæfing/reynsla af kennslu barna með íslensku sem annað tungumál kostur
Góð enskukunnátta, vegna samskipta við túlkaþjónustu
Góð tölvukunnátta
Hugmyndaríkur, jákvæður og sveigjanlegur
Áhugi fyrir teymiskennslu og teymisvinnu
Góð færni í mannlegum samskiptum
Hæfni til að tjá sig í ræðu og riti á íslensku

Laun eru samkvæmt kjarasamningi Sambands íslenskra sveitarfélaga og KÍ v/FG.

Umsóknarfrestur er til og með 8. janúar 2024

Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Nánari upplýsingar um störfin veitir Hilmar Björgvinsson, skólastjóri, [email protected] sími 480-1600 / 863-0922 og Ástrós Rún Sigurðardóttir, aðstoðarskólastjóri, [email protected] , sími 480-1600. Sjá einnig heimasíðu skólans www.stekkjaskoli.is .

Umsóknum fylgi leyfisbréf, yfirlit yfir nám, fyrri störf og rökstuðningur fyrir hæfni í starfi. Umsókn ásamt fylgigögnum skal skila í gegnum ráðningarvef sveitarfélagsins.

Allar umsóknir eru gildar í sex mánuði.

Auglýsing birt22. desember 2023

Umsóknarfrestur8. janúar 2024

Tungumálahæfni

Engar sérstakar tungumálakröfur

Staðsetning

Heiðarstekk 10

Starfstegund

Hæfni