Laus störf Hæfnileit Vinnustaðir Námskeið

Heimar

Við sköpum nútímalega, sjálfbæra borgarkjarna sem nærast á drifkrafti mannlegra samskipta Heimar er fasteignafélag sem fjárfestir í, leigir út og annast rekstur á atvinnuhúsnæði á Íslandi. Félagið er hlutafélag í dreifðu eignarhaldi og skráð í Kauphöll Íslands. Starfsfólk starfar á fimm starfsstöðvum við fjölbreytt störf og hefur starfsánægja aldrei mælst hærri. Með því að leggja áherslu á velferð og öryggi starfsfólks ásamt jafnrétti, mannréttindum, jöfnum launum kynja, heilsuvelferð og þekkingaröflun starfsfólks trúum við því að Heimar sé góður og eftirsóknarverður vinnustaður.

Vinnustaðurinn

Grafískur hönnuður

Heimar og Smáralind leita að grafískum hönnuði sem hefur gaman að því að takast á við fjölbreytt verkefni og blómstrar í hröðu og lifandi umhverfi.

Ef þú ert jákvæður, skipulagður og hugmyndaríkur einstaklingur sem vill hafa áhrif á hvernig Heimar, leiðandi fasteignafélag og vörumerki þess, þar á meðal Smáralind, birtast og þróast, þá gætir þú verið akkúrat sá liðsfélagi sem við erum að leita að.

Heimar er fasteignafélag sem fjárfestir í, leigir út og annast rekstur á atvinnuhúsnæði í Íslandi. Félagið er skráð í Kauphöll Íslands. Meðal vörumerkja félagsins er Smáralind, Hafnartorg, Egilshöll og Gróska.

Helstu verkefni og ábyrgð

Gerð markaðs- og kynningarefnis fyrir fjölbreytta miðla s.s. stafræna miðla, prentmiðla, innanhússfleti og almenna auglýsingamiðla
Þróun hugmynda og lausna í samstarfi við markaðsteymi og önnur svið innan fyrirtækisins
Samskipti við auglýsingastofu, vefstofur, prentsmiðjur, merkingaraðila og aðra samstarfsaðila
Aðstoða við ýmis verkefni í tengslum við markaðstengda viðburði
Vera hluti af kröftugu teymi sem vinnur í hröðu umhverfi að fjölbreyttum verkefnum og ber ábyrgð á ásýnd og ímynd vörumerkja Heima og Smáralindar

Menntunar- og hæfniskröfur

Viðeigandi menntun í grafískri hönnun (Ekki aðeins stök námskeið)
Starfsreynsla sem grafískur hönnuður
Góð kunnátta á öll helstu Adobe forrit - Illustrator, Photoshop, In design, Premiere og After Effects.
Reynsla í gerð hreyfigrafík og videovinnslu fyrir samfélags- og skjámiðla
Góð þekking á prentferlum og frágangi prentgagna
Framúrskarandi hæfni í samskiptum og þjónustulund
Sjálfstæð vinnubrögð, skipulagshæfni og drifkraftur
Þekking á vefhönnun og stafrænni markaðssetningu er kostur

Við erum annað og meira.

Heimar er leiðandi fasteignafélag á Íslandi og er byggt á sterkum grunni. Við sköpum virði fyrir samfélagið, mótum borgarkjarna sem dafna og greiðum leiðina að sjálfbærri framtíð fyrir komandi kynslóðir.

Hjá Heimum starfa um 85 manns við fjölbreytt störf og leggjum við áherslu á að tryggja velferð, vellíðan og öryggi starfsfólks. Félagið hefur í gildi jafnlauna- og jafnréttisstefnur ásamt jafnlaunakerfi sem fyrirbyggir beina og óbeina mismunun vegna kyns. Við ráðningar er leitast við að jafna hlutföll kynjanna að uppfylltum hæfniskröfum.

Umsóknarfrestur er til og með 3. maí.

Nánari upplýsingar um starfið veitir Gyða Björk Bergþórsdóttir, mannauðsstjóri, [email protected]

Auglýsing birt21. apríl 2026

Umsóknarfrestur4. maí 2026

Tungumálahæfni