Gestgjafi í Hörpu

Ert þú góður gestgjafi og vilt starfa á skemmtilegum vinnustað?

Harpa tónlistar- og ráðstefnuhús leitar að góðum liðsmanni í afburða teymi sem starfar í gestastofu og miðasölu á jarðhæð Hörpu.

F Y R I R  H V E R J A

Starfið er oft erilsamt, getur verið krefjandi um leið og það er skemmtilegt. Það hentar einstaklingi sem elskar að vera í hringiðu fjölbreytts mannlífs og hefur gaman af samskiptum við fólk. Starfið krefst mjög mikillar þjónustulundar, sveigjanleika og lausnamiðaðrar nálgunar í ólíkum aðstæðum sem upp kunna að koma. Starfið felst í að veita gestum sem heimsækja Hörpu framúrskarandi þjónustu hvort sem þeir eru að kaupa miða á viðburði, koma á tónleika, ráðstefnur, fundi eða til þess að skoða og fræðast um eitt fallegasta kennileiti borgarinnar.

S T A R F S U M H V E R F I Ð

Harpa tónlistar- og ráðstefnuhús býður upp á lifandi og skemmtilegt starfsumhverfi í fjölbreyttu húsi sem er opið 364 daga ársins. Innan Hörpu er öflugt starfsmannafélag og samhentur hópur starfsfólks og stjórnenda sem stuðlar að því alla daga að viðhalda einstakri stöðu Hörpu á heimsmælikvarða.

Starfshlutfall er samningsatriði og getur verið á bilinu 70-100%.

Umsóknir sem innihalda ferilskrá og kynningarbréf skulu sendar í gegnum ráðningakerfi Alfreðs en nánari upplýsingar um starfið veitir Ásdís B. Kristjánsdóttir á netfangið [email protected]

Helstu verkefni og ábyrgð

Upplýsingamiðlun og þjónusta við gesti Hörpu, bæði heimamenn sem og erlenda ferðamenn.
Miðasala og svörun fyrirspurna og erinda á öllum miðlum Hörpu (sími, tölvupóstur og samfélagsmiðlar).
Samskipti og samstarf við starfsfólk annarra deilda innan fyrirtækisins er varða þjónustu gestastofu og miðasölu.
Samskipti og þjónusta við viðburðahaldara skv. beiðni yfirmanns
Kynna sér mjög vel og vera meðvituð um dagskrá hússins til að geta með sem besta móti miðlað upplýsingum til gesta.
Viðkomandi er staðgengill miðasölustjóra

Menntunar- og hæfniskröfur