Gagnlegur gagnasafnari
Viltu gera gagn?
Við leitum að nákvæmri og tæknivæddri manneskju með áhuga á landupplýsingakerfum sem er tilbúin að taka stökkið yfir til okkar.
Vertu í fararbroddi orkuskiptanna og hjálpaðu okkur að vinna að innleiðingu og viðhaldi kerfa sem stuðla að aukinni skilvirkni og þróun. Fram undan er mikilvæg vinna við verkefni tengd uppbyggingu og viðhaldi gagna fyrir raf- og hitaveitukerfi okkar og innleiðing á Utility Network.
Við leitum að metnaðarfullum starfskrafti til að taka þátt í söfnun og skráningu gagna fyrir innviði hitaveitu og rafveitu. Starfið felur í sér bæði vettvangsferðir til að afla gagna og skráningu/upplýsingavinnslu í landupplýsingakerfi (sérstaklega ArcGIS/Netbas og AutoCAD). Teikning einlínumynda/kerfismynda og viðhald þeirra ásamt öðrum tilfallandi verkefnum. Í þessu starfi fer fram mikil samvinna við tækniteymi og verkfræðinga okkar við greiningu og úrvinnslu gagna. Við erum á fleygiferð inn í framtíðina og viljum aðlaga gagnagrunna okkar að kröfum sem tengjast orkuskiptum, notkun gervigreindar og innleiðingu stafrænna lausna.
Við leitum að manneskju með góða almenna tölvu- og tæknikunnáttu sem býr yfir nákvæmni og skipulagshæfni og á gott með að vinna með gögn. Áhugi, þekking og/eða reynsla af landaupplýsingakerfum, t.d. ArcGIS og Netbas, er mikill kostur og ekki er verra ef viðkomandi hefur þekking og/eða reynslu af vinnu við hitaveitu eða rafveitu. Hér skiptir máli að sýna sjálfstæði í vinnubrögðum og góða samskiptahæfni. Almennt bílpróf er nauðsynlegt þar sem vettvangsferðir eru hluti af starfinu.
Íslenska
