Framtíðarstarf í framleiðslubakaríi

Gæðabakstur auglýsir eftir kraftmiklum einstaklingi til starfa við framleiðslu og pökkun á brauðvörum og kökum. Um framtíðarstarf er að ræða í rótgrónu og vel búnu framleiðslubakaríi þar sem unnið er eftir ströngum gæðaferlum.

Hjá Gæðabakstri starfar öflugur hópur einstaklinga sem kappkostar við að koma gæðavöru á borð neytenda. Lögð er áhersla á virðingu, traust og góða þjónustu.

Starfsfólk í framleiðslu sinnir fjölbreyttum verkefnum við framleiðslu, pökkun, undirbúning fyrir dreifingu og frágang.