Laus störf Hæfnileit Vinnustaðir Námskeið

Heilbrigðisstofnun Norðurlands

Heilbrigðisstofnun Norðurlands tók til starfa þann 1. október 2014 við sameiningu heilbrigðisstofnana á Norðurlandi annarra en Sjúkrahússins á Akureyri og nokkurra hjúkrunar- og dvalarheimila. Þær starfseiningar sem mynda Heilbrigðisstofnun Norðurlands eru eftirfarandi: Heilbrigðisstofnun Þingeyinga, Heilsugæslan á Akureyri, Heilsugæslan á Dalvík, Heilbrigðisstofnunin Fjallabyggð, Heilbrigðisstofnunin Sauðárkróki og Heilbrigðisstofnunin Blönduósi. Starfsemi Heilbrigðisstofnunar Norðurlands nær því frá Blönduós í vestri til Þórshafnar í austri. Á upptökusvæðinu búa um 37.000 manns og starfsmannafjöldi er rúmlega 650 talsins. Heilbrigðisstofnun Norðurlands veitir heilsugæsluþjónustu, sjúkrahúsþjónustu auk öldrunarþjónustu í formi hjúkrunar- og dvalarrýma.

Vinnustaðurinn

FORSTÖÐUMAÐUR REKSTRAR OG INNKAUPA

Ertu sterk/ur í rekstri?

Hefur þú áhuga á innkaupum, fjölbreyttum verkefnum og að vel sé farið með opinbert fé?

Heilbrigðisstofnun Norðurlands leitar af kraftmiklum, útsjónarsömum og öflugum leiðtoga til að sinna starfi forstöðumanns rekstrar og innkaupa. Í starfinu felst rekstur ýmissa deilda þvert á stofnunina og samskipti við fjölda aðila. Hægt er að sinna starfinu frá öllum megin starfsstöðvum HSN. Næsti yfirmaður er framkvæmdastjóri fjármála og stoðsviða.

Helstu verkefni og ábyrgð

Þátttaka í rekstraráætlanagerð og eftirfylgni
Greiningar og skýrslugerð
Upplýsingagjöf til framkvæmdastjórnar og opinbera aðila
Samræming innkaupa og stjórnun þeirra
Umsjón með ýmissi stoðþjónustu
Yfirumsjón eigna, tækja og bifreiða
Ýmis önnur verkefni í samráði við yfirmann

Menntunar- og hæfniskröfur

Háskólamenntun sem nýtist í starfi s.s. viðskiptafræði, hagfræði, verkfræði, framhaldsmenntun kostur
Haldbær reynsla sem nýtist í starfi s.s. af rekstri, stjórnun og greiningu
Mjög góð greiningahæfni og þekking á helstu greiningartólum
Mjög góð tölvukunnátta nauðsynleg
Frumkvæði, drifkraftur og sjálfstæði í starfi
Góð samskiptahæfni og skipulögð vinnubrögð
Góð íslensku og enskukunnátta og geta til að tjá sig í ræðu og riti
Þekking og reynsla af verkefnastjórnun kostur
Ökuleyfi, hreint sakavottorð og gott orðspor

Umsóknarfrestur er til og með 19. júní 2024

Með umsókn skal fylgja ítarleg ferilskrá á íslensku og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Fólk af öllum kynjum er hvatt til að sækja um starfið.

Laun eru samkvæmt gildandi kjarasamningi sem fjármálaráðherra við viðkomandi stéttarfélag.

Öllum umsóknum verður svarað þegar ákvörðun um ráðningu hefur verið tekin.

Umsóknir geta gilt í hálft ár frá því að frestur rennur út.

Sótt er um starfið á www.mognum.is

Nánari upplýsingar veita;

Sigríður Ólafsdóttir; [email protected]

Þórhallur Harðarson; [email protected]

Heilbrigðisstofnun Norðurlands veitir heilsugæsluþjónustu, sjúkrahúsþjónustu og öldrunarþjónustu í formi hjúkrunar- og dvalarrýma. Meginstarfstöðvar HSN eru starfstöðvarnar á Akureyri, Blönduósi, Dalvík, Fjallabyggð, Húsavík og Sauðárkróki. Íbúar á starfssvæði HSN, sem nær frá Blönduósi í vestri til Þórshafnar í austri, eru rúm 37.000 og starfsfólk er um 700 talsins.

Gildi HSN eru: Fagmennska - Samvinna - Virðing

Auglýsing birt7. júní 2024

Umsóknarfrestur19. júní 2024

Tungumálahæfni