Laus störf Hæfnileit Vinnustaðir Námskeið

Landsbankinn

Hjá Landsbankanum starfar fjölbreyttur hópur fólks með ólíka þekkingu, reynslu og bakgrunn. Reynslan sem býr í starfsfólkinu styrkir stoðir rekstrarins á meðan fjárfesting í öflugri endurmenntun, starfsþróun og ráðning nýrra starfskrafta tryggir stöðuga framþróun. Við erum hreyfiafl í samfélaginu og vinnum ötullega að því að rödd bankans sé sterk, traustvekjandi, að hún fylli starfsfólk stolti og efli árangursdrifna menningu.

Vinnustaðurinn

Forstöðumaður lögfræðiþjónustu

Við leitum að drífandi og lausnamiðuðum einstaklingi til að leiða lögfræðiþjónustu Landsbankans. Viðkomandi þarf að hafa metnað til að styðja við þróun nútímalegrar bankaþjónustu með það að markmiði að einfalda líf viðskiptavina og stuðla að skilvirkni í starfseminni.

Helstu verkefni og ábyrgð

Mikilvægt er að nýr forstöðumaður búi yfir leiðtogahæfni, sýni yfirvegun þegar á reynir og geti forgangsraðað verkefnum með skýrum hætti. Jafnframt er lögð áhersla á hæfni til að byggja upp öfluga liðsheild, jákvæðan starfsanda og eiga góð samskipti innan sem utan bankans.

Lögfræðiþjónusta er eining sem starfar beint undir bankastjóra og sinnir fjölbreyttri lögfræðiþjónustu og ráðgjöf þvert á bankann og bankaráð.

Menntunar- og hæfniskröfur

Haldbær reynsla af lögfræðistörfum og gott orðspor
Góð þekking á lagaumhverfi fjármálafyrirtækja
Þekking og reynsla af störfum á fjármálamarkaði
Framúrskarandi hæfni í mannlegum samskiptum
Hæfni til að leiða teymi og laða fram það besta í fólki
Embættispróf í lögfræði (cand.jur.), ML í lögfræði

Landsbankinn er traustur og framsækinn banki sem veitir alhliða fjármálaþjónustu til einstaklinga og fyrirtækja um allt land. Bankinn leggur áherslu á einfaldar og aðgengilegar stafrænar lausnir, ábyrga ráðgjöf og persónulega þjónustu. Markmið bankans er að hafa jákvæð áhrif á íslenskt samfélag og að traustur rekstur skili varanlegum verðmætum fyrir viðskiptavini og hluthafa til framtíðar.

Frekari upplýsingar

Sverrir Briem – [email protected]

Auglýsing birt13. apríl 2026

Umsóknarfrestur26. apríl 2026

Tungumálahæfni