Laus störf Hæfnileit Vinnustaðir Námskeið

Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

Vinnustaðurinn

Forstöðuaðili félagsmiðstöðvar

Auglýst er eftir forstöðuaðila félagsmiðstöðvar á Seyðisfirði.

Forstöðuaðili sér um skipulagningu og framkvæmd félagsmiðstöðvastarfs á Seyðisfirði fyrir börn og ungmenni á aldrinum 10-16 ára.

Viðkomandi vinnur í teymi með öðru starfsfólki á sviði íþrótta- og æskulýðsmála og tekur þátt í stefnumótun í félagsmiðstöðvamálum sveitarfélagsins Múlaþings.

Markmið starfsins er að bjóða upp á heildstæða og faglega þjónustu þar sem uppeldisgildi frítímastarfs eru höfð að leiðarljósi. Í því felst að skapa umhverfi og aðstæður þar sem hægt er að þjálfa lykilfærni hjá börnum og unglingum með áherslu á samskiptafærni, félagsfærni, virkni og þátttöku ásamt styrkingu sjálfsmyndar.

Er um að ræða 100% starf og er ráðið í starfið frá ágúst 2021.

Menntunar- og hæfniskröfur

Menntun sem nýtist í starfi. Háskólamenntun á sviði uppeldis-, tómstunda- og/eða félagsmálafræði eða sambærileg uppeldismenntun mikill kostur.

Reynsla af stjórnun.

Reynsla af starfi með börnum og ungmennum er nauðsynleg og þekking á málaflokknum æskileg.

Góð íslensku og enskukunnátta í máli og ritun og góð almenn tölvukunnátta.

Þekking á umhverfi samfélagsmiðla og helstu forrita til efnissköpunar.

Umsækjandi þarf að vera orðinn 20 ára gamall og hafa hreint sakavottorð skv. 10. gr. Æskulýðslaga (lög nr. 70/2007).

Snyrtimennska, góð samskiptahæfni og rík þjónustulund.

Heiðarleiki og stundvísi, auk þess sem starfsmaður þarf að vera umburðalyndur.

Er góð fyrirmynd.

Helstu verkefni og ábyrgð

Sinnir vöktum í félagsmiðstöðvum, sértæku hópastarfi, námskeiðum, fræðslu, samvinnu við grunnskóla og öðru slíku.

Skipuleggur og mótar frítímastarf fyrir börn og unglinga þar sem höfð eru að leiðarljósi uppeldis- og forvarnamarkmið.

Vinnur starfsáætlun fyrir félagsmiðstöðina í samráði við annað starfsfólk á íþrótta- og æskulýðssviði.

Sækir fræðslu í samráði við annað starfsfólk sviðsins.

Sækir viðburði með börnum- og unglingum á vegum félagsmiðstöðvarinnar.

Sér um samfélagsmiðla miðstöðvarinnar, t.a.m. Facebook, Instagram og Discord.

Ber ábyrgð á fjármálum félagsmiðstöðvarinnar og tekur þátt í fjárhagsáætlunargerð.

Allir umsækjendur þurfa að gefa leyfi fyrir að upplýsinga um þá sé aflað úr sakaskrá, sbr. 3.-4. mgr. 10. gr. laga nr.70/2007 og uppfylla þau skilyrði sem koma fram í 2. mgr. 10. gr. sömu laga.

Öllum umsóknum skal fylgja rökstuðningur fyrir hæfni viðkomandi í starfið.

ATH: umsóknarfrestur hefur verið framlengdur til 8. ágúst nk.

Vinnustaðir Múlaþings eru tóbakslausir og fjölskylduvænir.

Einstaklingar af öllum kynjum eru hvattir til að sækja um.

Nánari upplýsingar um störfin veitir Bylgja Borgþórsdóttir, í gegnum netfangið [email protected]

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt28. júní 2021

Umsóknarfrestur8. ágúst 2021

Tungumálahæfni

Engar sérstakar tungumálakröfur

Staðsetning

Austurvegur 4, 710 Seyðisfjörður

Starfstegund

Hæfni