Flugþjónar og flugfreyjur sumarið 2023
Dreymir þig um að starfa í háloftunum? Icelandair fjölgar í hópi flugþjóna og flugfreyja sumarið 2023.
Icelandair óskar eftir að ráða flugþjóna og flugfreyjur til starfa í millilandaflugi fyrir sumarið 2023. Um er að ræða tímabundin störf í 100% starfshlutfalli með möguleika á áframhaldandi starfi.
Við sækjumst eftir einstaklingum sem eru tilbúnir að vinna í umhverfi þar sem öryggi og framúrskarandi þjónusta eru höfð að leiðarljósi. Mikilvægt er að starfsfólk vinni vel í teymum, sé lausnamiðað, þjónustulundað, með mjög góða félagsfærni og hafi metnað til að ná árangri í starfi. Starfið reynir á andlegan styrk og getu til að taka upplýstar ákvarðanir í samræmi við stefnu og þjálfun Icelandair.
Kynntu þér starfið hér:https://www.icelandair.com/is/um-okkur/flugfreyja-flugthjonn/
Hvað þarf til:
- Brennandi áhuga og reynslu af þjónustustörfum
- Mjög góða íslensku- og enskukunnáttu, önnur tungumálakunnátta er kostur
- Framúrskarandi samskiptahæfni og góða færni í teymisvinnu
- Jákvætt viðhorf og metnað til að ná árangri í starfi
- Bólusetningu fyrir Covid 19 (vegna reglugerða einstakra landa)
- Fæðingarár 2002 eða fyrr
Áður en til ráðningar kemur þurfa umsækjendur að standast læknisskoðun samkvæmt reglugerð flugmálayfirvalda og þjálfun á vegum Icelandair.
Kaup og kjör fara eftir kjarasamningi Icelandair og Flugfreyjufélags Íslands.
Umsóknum þurfa að fylgja eftirfarandi gögn:
1. Ferilskrá
2. Mynd í viðhengi
- Passamynd í lit með hvítum bakgrunni
- Myndin þarf að vera í góðri upplausn
- Mikilvægt er að umsækjandi sé ekki í einkennisfatnaði, með höfuðfat, heyrnatól eða annan búnað á höfðinu. Gleraugu eru leyfð, þó ekki sólgleraugu
- Myndin má ekki vera eldri en 6 mánaða
3. Umsagnaraðilar
Umsóknarfrestur:
Umsóknir óskast sendar ásamt fylgigögnum eigi síðar en 1. nóvember 2022.
Byrjað verður að vinna úr innsendum umsóknum fljótlega og stefnt er að því að fyrstu námskeiðin hefjist í haust. Vinnsla umsókna mun þó standa yfir út árið og allar umsóknir fá skoðun. Fyrstu umsækjendurnir gætu átt von á því að fá boð um viðtal á næstu vikum.
Eldri umsóknir óskast endurnýjaðar.
Í ferlinu verður tekið mið af jafnréttisáætlun fyrirtækisins og markmiðum IATA um að stuðla að jöfnun á hlutfalli kynja í flugiðnaði. Við samsetningu hópsins verður lögð áhersla á fjölbreytni og breidd hvað varðar kyn og aldur. Við hvetjum öll kyn til að sækja um.
Nánari upplýsingar má fá á netfanginu: [email protected]