Flugliðar - Taktu flugið með okkur!
Við leitum að jákvæðum og áhugasömum einstaklingum í starf flugliða hjá félagi á fullri ferð inn í framtíðina.
Í boði eru bæði sumarstörf (sumar 2025) og störf til lengri tíma.
Byrjað verður að vinna úr umsóknum um leið og þær berast.
Flugliðar PLAY eru andlit félagsins út á við. Þeir eru hluti af öflugu teymi sem tryggir öryggi farþega ásamt því að veita framúrskarandi þjónustu um borð í glæsilegum vélum félagsins. PLAY flýgur til fjölda skemmtilegra áfangastaða í Evrópu, Afríku og Norður-Ameríku.
Við leitum að duglegu, vinalegu og jákvæðu fólki sem kannast við eftirfarandi kosti í eigin fari:
- Góður liðsfélagi með frábæran persónuleika
- Framúrskarandi enskukunnátta en önnur tungumálakunnátta er mikill kostur
- Framúrskarandi þjónustulund og góð samskiptafærni
- Lausnamiðað og úrræðagott hugarfar sem hentar vel fyrir breytilegan vinnutíma
- Ástríða fyrir ferðalögum og fólki
Stundvísi er lykilatriði í öllum rekstri flugfélagsins þar sem það hefur bein áhrif á rekstur félagsins og upplifun farþega. Stundvísi starfsmanna er því grundvallarskilyrði í starfi.
Til að koma til greina í starfið þurfa umsækjendur að:
- Standast námskeið
- Standast læknisskoðun
- Vera með hreint sakavottorð
- Standast bakgrunnsskoðun
- Geta synt 25 metra hjálparlaust
- Vera fædd 2005 eða fyrr
- Vera með gilt ökuskírteini og bíl til umráða
Vinsamlegast hafið í huga að þótt umsækjandi standist námskeið og þjálfun er ekki öruggt að af ráðningu verði.
UMSÓKN ÞARF AÐ FYLGJA
- Ferilskrá og kynningarbréf þar sem gerð er grein fyrir ástæðu umsóknar
- Nýleg mynd af umsækjanda
- Afrit af vegabréfi þar sem sést útgáfudagur, gildistími og vegabréfsnúmer
ÞAU SEM HAFA FYRRI STARFSREYNSLU SEM FLUGLIÐAR EÐA HAFA LOKIÐ GRUNNÞJÁLFUN SKULU SKILA INN
- Afrit af Cabin Crew Attestation
- Afrit af heilsufarsskírteini (medical report)
Kaup og kjör fylgja kjarasamningi á milli PLAY og ÍFF.
UM PLAY
PLAY er íslenskt lágfargjaldaflugfélag sem býður flug til vinsælla áfangastaða á sem hagkvæmastan hátt fyrir farþega og náttúru. Með nýlegum Airbus A320neo og A321neo flugvélum er dregið sem mest úr losun gróðurhúsalofttegunda og þannig leitast við að koma fólki á áfangastað með sem minnstu kolefnisfótspori.
Hjá PLAY er öryggið alltaf í fyrsta sæti og áhersla lögð á stundvísi, einfaldleika, gleði og hagstæð verð.
Hjá PLAY er verið að byggja upp fjölbreyttan starfshóp og einstakan starfsanda. Áhersla er lögð á að skapa starfsmönnum öruggt og jákvætt starfsumhverfi sem er laust við mismunun og hvers konar áreitni. Við viljum bæta í þennan hóp drífandi og kraftmiklu fólki sem vill taka þátt í að breyta íslenskri flugsögu.
Nánari upplýsingar eru veittar í gegnum netfangið jobs@flyplay.com
Eingöngu er tekið á móti umsóknum á https://flyplay.com/storf