Laus störf Hæfnileit Vinnustaðir Námskeið

Alfreð

Alfreð er hugbúnaðar- og þjónustufyrirtæki sem þróar snjallar lausnir til að tengja saman fólk og fyrirtæki. Alfreð ehf. tók til starfa árið 2013 og umbylti á örfáum árum markaði fyrir atvinnuauglýsingar á Íslandi. Vinsældir Alfreðs halda samt alltaf áfram að aukast enda er okkar starf drifið af stöðugri nýsköpun. Höfuðstöðvar okkar eru í Kópavogi en auk þess er Alfreð með skrifstofu í Prag. Fyrir utan Ísland og Tékkland er okkur einnig að finna á Möltu og í Færeyjum og ætla má að vinaþjóðum Alfreðs fjölgi á næstu árum.

Vinnustaðurinn

Fjármálastjóri

Við leitum að metnaðarfullum og árangursdrifnum fjármálastjóra.

Fjármálastjóri ber ábyrgð á öllum fjármálum fyrirtækisins og dótturfélaga og starfið krefst því fjölbreyttrar og víðtækrar þekkingar, allt frá daglegu bókhaldi til uppgjöra og stefnumótandi áætlana.

Fjármálastjóri heyrir beint undir framkvæmdastjóra og starfar náið með öðrum stjórnendum fyrirtækisins og starfsfólki. Viðkomandi fær einstakt tækifæri til að setja mark sitt á framtíðina sem hluti af alþjóðlegu fyrirtæki sem er í miklum vexti bæði innanlands og erlendis.

Alfreð hefur stækkað ört undanfarin misseri og við erum í stöðugri þróun. Auk þess að reka ráðningarkerfi undir merkjum Alfreðs, hérlendis sem erlendis, rekum við einnig Giggó, vettvang fyrir gigg-hagkerfið og eigum dótturfélagið Stokk Software sem sérhæfir sig í ráðgjöf, hönnun og þróun hugbúnaðarlausna.

Helstu verkefni og ábyrgð

Ábyrgð á daglegri fjármála- og skrifstofustjórn
Bókhald, uppgjör og skattskil
Áætlanagerð og greiningar
Launavinnsla
Reikningagerð, innheimtumál
Eftirlit og vöktun á mælikvörðum og skýrslugjöf til stjórnenda
Samstarf og samskipti við endurskoðendur og aðra lykilaðila

Menntunar- og hæfniskröfur

Reynsla af fjármálastýringu; bókhaldi, uppgjörum og fjárhagsáætlanagerð
Reynsla af launavinnslu
Reynsla af greiningarvinnu og hæfni til að setja fram upplýsingar á skýran hátt
Sjálfstæði, skipulagshæfni og sveigjanleiki
Háskólamenntun sem nýtist í starfi
Góð íslensku- og enskukunnátta

Fríðindi í starfi

Niðurgreiddur hádegismatur
Nasl og drykkir
Íþróttastyrkur
Heilsustyrkur
Samgöngustyrkur

Skrifstofur Alfreðs og Stokks eru í Kópavogi en auk þess starfrækir Alfreð skrifstofu í Tékklandi ásamt því að vinna með sérleyfishöfum erlendis.

Hjá okkur starfar öflugur hópur sérfræðinga með fjölbreytta reynslu og hæfni. Við erum þétt liðsheild sem brennur fyrir að leysa krefjandi verkefni á hverjum degi. Við leggjum áherslu á góðan starfsanda og vellíðan í vinnu. Við viljum hafa gaman í vinnunni og leggjum áherslu á sköpunargleði og virðingu í samskiptum. Við höfum skýra framtíðarsýn og metnaðarfull markmið um þróun og vöxt.

Nánari upplýsingar um starfið veitir Anna Katrín Halldórsdóttir framkvæmdastjóri Alfreðs á [email protected].

Auglýsing birt23. apríl 2026

Umsóknarfrestur3. maí 2026

Tungumálahæfni