Teitur er rótgróið fjölskyldufyrirtæki í ferðaþjónustu, stofnað árið 1963. Fyrirtækið rekur yfir 100 hópferðabíla í öllum stærðarflokkum og þjónustar bæði erlenda og innlenda farþega. Árið 2024 tók Teitur á móti um 63.000 ferðamönnum í 1.800 hópum, aðallega frá Asíu, Bandaríkjunum, Þýskalandi, Bretlandi og Norðurlöndunum. Þá ferðast einnig árlega fjöldi Íslendinga með fyrirtækinu, meðal annars í hópferðum, skólaakstri og ferðaþjónustu fatlaðra og eldri borgara. Verkstæði fyrirtækisins er vel búið og uppfyllir allar nútímakröfur, þar á meðal með fullkomnum bilanagreiningarbúnaði. Einkunnarorð Teits eru þjónusta, traust og ánægja, og fyrirtækið hefur verið á lista yfir framúrskarandi fyrirtæki frá árinu 2013.