Félagsráðgjafi

Viltu verða hluti af samheldnum og metnaðarfullum hópi félagsráðgjafa sem starfar á Reykjalundi.

Laus er til umsóknar staða félagsráðgjafa, sérfræðingur 2, á Reykjalundi. Um er að ræða tímabundna ráðningu til eins árs, með möguleika á fastráðningu að þeim tíma liðnum.

Á Reykjalundi starfa átta þverfagleg meðferðarteymi á tveimur meðferðarsviðum og er starfið því fjölbreytt. Áhersla er lögð á skjólstæðingsmiðaða nálgun og heildræna sýn.

Í þverfaglegum teymum á Reykjalundi starfa auk félagsráðgjafa, iðjuþjálfar, sjúkraþjálfarar, sálfræðingar, næfingarfræðingar, íþróttafræðingar, sjúkraliðar, hjúkrunarfræðingar og læknar.

Mötuneyti er á staðnum og aðgengi starfsfólks að heilsurækt og sundlaug.

Æskilegt er að viðkomandi geti hafið störf í byrjun ágúst eða eftir nánara samkomulagi.

Helstu verkefni og ábyrgð:

• Veitir einstaklingsmiðaða faglega ráðgjöf, stuðning og eftirfylgd í málum einstaklinga og fjölskyldna.
• Tekur virkan þátt í þverfaglegu teymisstarfi og veitir faglega ráðgjöf til samstarfsaðila.
• Heldur utan um og sinnir skráningu og eftirfylgd í einstaklingsmálum í samræmi við gildandi lög, reglur og verklagsreglur.
• Tekur þátt í skipulagningu og framkvæmd fræðslu fyrir sjúklinga og aðra faghópa.

Hæfniskröfur:

• Íslenskt starfsleyfi gefið út af Embætti landlæknis.
• Framúrskarandi hæfni í mannlegum samskiptum.
• Áhugi á þverfaglegri teymisvinnu og samstarfi.
• Áhugi, metnaður og sjálfstæði í starfi.

Laun greiðast samkvæmt kjarasamningi Félagsráðgjafafélags Íslands og SFV (Samtök fyrirtækja í velferðarþjónustu), auk stofnanasamnings Félagsráðgjafafélags Íslands og Reykjalundar.

Umsókn skal fylgja starfsferilskrá og kynningarbréf ásamt staðfestingu á námi og sakavottorð.

Öllum umsóknum verður svarað.

Upplýsingar um starfið veita Nadía Borisdóttir, fagstjóri félagsráðgjafar, [email protected] og Guðbjörg Gunnarsdóttir, mannauðsstjóri, [email protected]

Upplýsingar um Reykjalund má finna á heimasíðu Reykjalundar www.reykjalundur.is