Fagaðili óskast til Þorláksskóla

Þorláksskóli leitar að hlýjum, traustum og úrræðagóðum fagaðila í 100% starf. Viðkomandi þarf að geta hafið störf sem fyrst.

Þorláksskóli er nýr sjálfstætt starfandi grunnskóli í Garðabæ fyrir einhverf börn. Skólinn er lítill og persónulegur og leggur áherslu á öryggi, tengslamyndun, einstaklingsmiðað nám, skýra umgjörð og virðingu fyrir þörfum hvers barns.

Við leitum að þroskaþjálfa, iðjuþjálfa eða einstaklingi með aðra menntun sem nýtist vel í starfinu. Reynsla af starfi með fötluðum einstaklingum er mikilvæg.

Starfið felur meðal annars í sér:

• Beina vinnu með nemendum

• Þátttöku í kennslu, undirbúningi og skipulagningu skólastarfs

• Aðlögun náms og umhverfis að þörfum hvers barns

• Stuðning við samskipti, sjálfstæði, líðan og þátttöku nemenda

• Samstarf við fjölskyldur, samstarfsfólk og aðra fagaðila

• Þátttöku í áframhaldandi þróun og mótun nýs skóla

Við leitum að einstaklingi sem:

• Er þroskaþjálfi, iðjuþjálfi eða með aðra viðeigandi menntun

• Hefur reynslu af starfi með fötluðum einstaklingum, helst einhverfum börnum

• Er hlýr, yfirvegaður og lausnamiðaður

• Getur sýnt frumkvæði en á jafnframt auðvelt með að vinna í teymi

• Hefur áhuga á einstaklingsmiðuðu og skapandi skólastarfi

• Mætir börnum af virðingu, þolinmæði og einlægum áhuga

Við bjóðum upp á einstakt tækifæri til að taka þátt í að byggja upp nýjan skóla frá grunni, í nánu samstarfi við öflugan og metnaðarfullan starfsmannahóp. Hér gefst raunverulegt svigrúm til að hafa áhrif og þróa skólastarf sem tekur mið af þörfum barnanna.

Um er að ræða 100% dagvinnustarf og æskilegt er að viðkomandi geti hafið störf sem fyrst. Laun og starfskjör eru samkvæmt gildandi kjarasamningi.

Umsókn, ferilskrá og stutt kynningarbréf berist á [email protected]. Umsóknir verða teknar til skoðunar jafnóðum og ráðið verður í starfið þegar rétti einstaklingurinn finnst.

Umsækjandi þarf að veita heimild til upplýsingaöflunar úr sakaskrá.