Laus störf Hæfnileit Vinnustaðir Námskeið

Mennta- og barnamálaráðuneyti

Meginhlutverk mennta- og barnamálaráðuneytis er að tryggja að menntun, aðbúnaður og réttindi barna á Íslandi séu ávallt í fyrirrúmi. Meðal málefna sem ráðuneytið fer með eru fræðslumál barna og ungmenna, þar með talin málefni leik-, grunn og framhaldsskóla, listaskóla og lýðskóla, og málefni sem snerta þjónustu við börn og ungmenni, þar með talin barnavernd og samþætting þjónustu í þeirra þágu. Mennta- og barnamálaráðuneytið fer einnig með íþrótta- og æskulýðsmál. Menntun á framhaldsskólastigi; hvort heldur bók-, verk- eða listnám heyrir undir ráðuneytið. Ráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Allar embættisfærslur starfsmanna eru gerðar í umboði ráðherra. Ráðuneytisstjóri stýrir ráðuneytinu undir yfirstjórn ráðherra. Ráðuneytinu er skipt í fimm skrifstofur: Skrifstofu skóla-, íþrótta- og æskulýðsmála, skrifstofu framhaldsskóla og -fræðslu, skrifstofu barna- og fjölskyldumála, skrifstofu fjármála og rekstrar og skrifstofu ráðuneytisstjóra. Undirstofnanir ráðuneytisins eru m.a. Ráðgjafar- og greiningarstöð, Barna- og fjölskyldustofa, Menntamálastofnun og framhaldsskólar landsins.

Vinnustaðurinn

Embætti skrifstofustjóra skrifstofu framhaldsskóla og framhaldsfræðslu

Öflugir framhaldsskólar eru ein megin forsenda fyrir framþróun og farsæld á Íslandi. Í þeim kemst ungt fólk til þroska og þetta eru árin sem geta mótað lífshlaup þeirra og gæfu. Þess vegna skiptir öllu að standa vörð um og efla starfið í framhaldsskólum.

Mennta- og barnamálaráðuneytið ber ábyrgð á framþróun og stefnumótun framhaldsskólanna. Nú leitum við að fyrirliða til að leiða starf nýrrar skrifstofu framhaldsskóla og framhaldsfræðslu. Það er ekki lítil ábyrgð og einstaklega spennandi verkefni!

Skrifstofustjóri framhaldsskóla og framhaldsfræðslu er hluti af stjórnendateymi ráðuneytisins og heyrir beint undir ráðuneytisstjóra. Hér munu gefast ótal tækifæri til að móta og skapa framtíðina í ráðuneyti sem ætlar sér að verða leiðandi í verkefnamiðuðu vinnulagi og árangursdrifinni nálgun á viðfangsefni.

Helstu verkefni og ábyrgð

Skrifstofustjóri ber ábyrgð á að leiða faglegt starf á skrifstofunni og stýra daglegri framkvæmd starfa gagnvart ráðuneytisstjóra, sbr. 17. gr. laga um Stjórnarráð Íslands, nr. 115/2011.

Skrifstofa framhaldsskóla og framhaldsfræðslu vinnur í umboði mennta- og barnamálaráðherra að stefnumótun og framgangi stefnumála ráðherra og ríkisstjórnar varðandi málefni skrifstofunnar. Skrifstofan vinnur að undirbúningi, mótun og útfærslu stefnumála eins og þau birtast í sértækum stefnum, lögum, fjármálaáætlunum og fjárlögum. Skrifstofan hefur yfirumsjón með innleiðingu stefnumála og annarra verkefna á málefnasviði hennar í samráði við aðrar skrifstofur og undirstofnanir ráðuneytisins. Þá vinnur skrifstofan að mati, endurskoðun og breytingum á stefnumálum.

Skrifstofustjóri hefur yfirumsjón með verkefnum skrifstofunnar og stýrir forgangsröðun í samræmi við verklag ráðuneytisins. Skrifstofustjóri leiðir samstarf við aðrar skrifstofur, önnur ráðuneyti, haghafa og aðra innlenda og erlenda aðila. Skrifstofustjóri annast almennan rekstur skrifstofunnar og ber ábyrgð á að árlegt uppgjör sé í samræmi við fjárhagsáætlun. Þá ber hann ábyrgð því að skrifstofan sinni stjórnsýslulegum skyldum sínum og að stefnumarkandi ákvörðunum sé hrint í framkvæmd með markvissum og árangursríkum hætti.

Menntunar- og hæfniskröfur

Háskólagráða sem nýtist í starfi er nauðsynleg.
Framúrskarandi leiðtoga- og samskiptahæfni sem endurspeglast m.a. í drifkrafti, frumkvæði, farsælli reynslu af breytingastjórnun, stefnumótun og uppbyggingu liðsheildar er nauðsynleg.
Góð greiningarhæfni, lausnamiðuð hugsun og geta til að vinna með flókin mál á skipulegan og markvissan hátt er nauðsynleg.
Víðtæk þekking á starfi og verkefnum framhaldsskóla er nauðsynleg.
Þekking á framhaldsfræðslu er kostur.
Þekking og reynsla af opinberri stjórnsýslu er æskileg. Í því felst m.a. mikilvægi þess að skynja hvert hlutverk ráðuneyta er í lýðræðissamfélagi sem og að búa yfir þeirri pólitísku næmni að hafa skilning á hlutverki ráðuneyta sem skrifstofu ráðherra.
Mjög gott vald á íslensku og ensku er nauðsynlegt og verður að endurspegla framúrskarandi hæfni í að tjá sig í ræðu og riti. Norðurlandamál er kostur.
Þekking á alþjóðlegum straumum og þróun í menntamálum er æskileg.

Ef þetta á við um þig og þú býrð jafnframt yfir góðri þjónustulund, brennandi metnaði fyrir betri framhaldsskólum með hag nemenda að leiðarljósi þá hvetjum við þig til að sækja um.

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Mennta- og barnamálaráðherra skipar í embættið til fimm ára í senn, skv. reglum nr. 393/2012 um ráðgefandi nefndir er meta hæfi umsækjenda um embætti við Stjórnarráð Íslands. Um embættið gilda lög nr. 115/2011 um Stjórnarráð Íslands og lög nr. 70/1996 um réttindi og skyldur ríkisstarfsmanna.

Laun eru samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Með umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið.

Tekið er mið af jafnréttisáætlun Stjórnarráðsins við ráðningar og verður öllum umsóknum svarað þegar ákvörðun um ráðningu hefur verið tekin. Athygli er vakin á að samkvæmt 7. gr. upplýsingalaga nr. 140/2012 er ráðuneytinu skylt að veita upplýsingar um nöfn og starfsheiti umsækjenda þegar umsóknarfrestur er liðinn. Umsóknir geta gilt í sex mánuði frá því að umsóknarfrestur rennur út sbr. 2. gr. reglna nr. 464/1996, um auglýsingar á lausum störfum, með síðari breytingum.

Auglýsing birt4. febrúar 2026

Umsóknarfrestur23. febrúar 2026

Tungumálahæfni