Eftirlitsmaður

Lyfjastofnun auglýsir eftir öflugum eftirlitsmanni til starfa á eftirlitssviði. Eftirlitsmaður sinnir eftirliti m.a. með lyfsölu, heilbrigðisstofnunum og dýralæknum ásamt öðrum eftirlitshlutverkum sem undir sviðið heyrir.

Leitað er að öflugum einstaklingi til að sinna fjölbreyttu og krefjandi starfi. Starfshlutfall er 100%.

Helstu verkefni og ábyrgð:

• Eftirlit með lyfsölu, heilbrigðisstofnunum og dýralæknum
• Eftirlit með ávana- og fíknilyfjum, lyfjaauglýsingum, innflutningi einstaklinga á lyfjum til eigin nota ásamt öðru eftirliti sem undir deildina heyrir
• Innleiðing nýrrar dýralyfjalöggjafar
• Móttaka, meðhöndlun og eftirfylgni gæðamála þ.m.t. atvikatilkynningar frá eftirlitsþegum, innkallanir, og tilkynningar
• Upplýsingagjöf til hagsmunaaðila
• Svörun erinda og fyrirspurna frá hagsmunaaðilum

Menntunar- og hæfniskröfur:

• Háskólamenntun sem nýtist í starfi
• Þekking og/eða reynsla á sviði framleiðslu, dreifingar eða sölu lyfja er kostur
• Reynsla af gæðamálum er kostur
• Mjög góð samskiptahæfni, jákvæðni og sveigjanleiki
• Gott vald á íslensku og ensku í töluðu og rituðu máli
• Góð tölvuhæfni, nákvæmni, sjálfstæði og skipulögð vinnubrögð
• Teymisvitund, frumkvæði og faglegur metnaður