Laus störf Hæfnileit Vinnustaðir Námskeið

Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

Vinnustaðurinn

Delivery Lead

Hugbúnaðarþróun Orkuveitunnar leitar að Delivery Lead sem vill taka þátt í tæknilegri umbreytingu samstæðunnar. Hlutverk okkar er að þróa og nútímavæða hugbúnaðarlausnir fyrir Orkuveituna og dótturfélög hennar, sameina þróunarferla og byggja upp öflugt og fyrirsjáanlegt útgáfuferli sem styður við hraða, gæði og stöðugar umbætur.

Við leitum að einstaklingi sem hefur reynslu af því að innleiða vinnubrögð, skapa skýra umgjörð utan um þróunarverkefni og fylgja breytingum eftir þar til þær eru orðnar hluti af daglegu starfi.

Helstu verkefni og ábyrgð

Innleiða og festa í sessi skýr og samræmd vinnubrögð: Agile ceremonies, Definition of Done, code reviews, QA og útgáfuferli.

Halda utan um Jira sem stjórntæki og tímaskráningu sem staðlað vinnulag, og tryggja að stöður endurspegli raunveruleikann.

Samræma vinnu milli teyma, arkitekta, platform og verktaka, eskalera tafir tímanlega og keyra mál áfram þar sem þau festast.

Vinna með mæligögn úr Jira til að knýja stöðugar umbætur á hraða, gæðum og fyrirsjáanleika.

Tryggja að off-shore teymi fylgi sömu reglum og ferlum og innanhúss teymi.

Hverjum erum við að leita að?

Við leitum fyrst og fremst að einstaklingi sem getur leitt breytingar áfram, skapað skýra umgjörð utan um verkefni og fylgt þeim eftir af festu og fagmennsku. Það skiptir okkur meira máli hvernig þú vinnur með fólki og knýrð fram árangur en hvort þú hafir reynslu af nákvæmlega sömu aðferðum og verkfærum og við en þú ert líklega manneskja sem:

hefur reynslu sem Delivery Lead, Scrum Master eða í sambærilegu hlutverki í flóknu fyrirtækjaumhverfi.

notar Jira sem stjórntæki, ekki bara skráningartæki, og þekkir Atlassian vistkerfið vel.

hefur skipulagshæfni og eftirfylgni í eðli þínu, og fylgir eftir þar til hlutirnir gerast.

þorir að setja kröfur, taka óþægileg samtöl og knýja breytingar áfram á uppbyggjandi hátt.

hefur sterka samskiptafærni og getur unnið með off-shore teymum á ensku.

hefur grunnskilning á hugbúnaðarþróun og SDLC. Þú þarft ekki að vera þróunaraðili, en þú þarft að skilja hvað teymið þitt er að gera.

Við notum fjölbreytt verkfæri og búumst ekki við að þú þekkir þau öll. Þekking á Agile aðferðafræði (Scrum, Kanban eða hybrid), Jira og Atlassian vistkerfinu, og reynsla af samvinnu við dreifð og off-shore teymi nýtist vel í hlutverkinu. Claude, Codex, GitHub Copilot og önnur AI-verkfæri eru hluti af því hvernig við vinnum, og við erum að kanna hvernig nýta megi AI í delivery sjálft. 

Við bjóðum þér 

Tækifæri til að hafa raunveruleg áhrif á tæknilega framtíð Orkuveitunnar.

Fjölbreytt verkefni sem snerta samfélagslega mikilvæga innviði.

Sterkt teymi tæknifólks sem vinnur saman að umbótum og nýsköpun.

Mikla möguleika til að þróast faglega.

Sveigjanlegt vinnuumhverfi og umhverfi þar sem frumkvæði, ábyrgð og lausnaleit eru metin að verðleikum.

Hvers vegna Orkuveitan?

Orkuveitan samanstendur af móðurfélaginu og fjórum dótturfélögum; Veitur, Orka náttúrunnar, Ljósleiðarinn og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu.

Rannsóknir hafa sýnt að fjölbreytileiki leiðir til betri árangurs og við hvetjum öll sem uppfylla grundvallarskilyrði starfsins til að sækja um, óháð því hvort þau haki í öll boxin.

Umsóknarfrestur er til og með 3. ágúst 2026. Nánari upplýsingar veitir Halldór Gíslason, deildarstjóri hugbúnaðarþróunar, [email protected].

Auglýsing birt1. júlí 2026

Umsóknarfrestur3. ágúst 2026

Tungumálahæfni