Laus störf Hæfnileit Vinnustaðir Námskeið

Urðarhóll

Heilsuleikskólinn Urðarhóll er sex deilda leikskóli og er staðsettur við Kópavogsbraut 19 og starfræktur í þremur húsum. Í heildina dvelja um 130 börn í skólanum. Hugmyndafræðin sem unnið er eftir í Heilsuleikskólanum Urðarhóli er samkvæmt Heilsustefnu Unnar Stefánsdóttur, lögum um leikskóla, Aðalnámsskrá leikskóla, Námskrá Kópavogs, Umhverfisstefnu leikskóla Kópavogs, Barnasáttmála sameinuðu þjóðanna, Heimsmarkmiðin og heiltæka skólastefna. Skólanámsskrá Heilsuleikskólans Urðarhóls byggir á því að hafa heilsu og vellíðan barnanna í fyrirrúmi. Markmið leikskólans er að auka gleði og vellíðan barnanna með áherslu á næringu, hreyfingu og sköpun.

Vinnustaðurinn

Deildarstóri í Urðarhól

Deildarstjóri ber ásamt stjórnendum leikskólans ábyrgð á faglegum gæðum, ásamt þróun og
nýbreytni í starfi leikskólans. Hann á að tryggja að sérhvert barn á deildinni fái umönnun, nám og kennslu við hafi. Deildarstjóri annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar. Deildarstjóri stendur vörð um réttindi barna og stuðlar að því að barnið njóti ávallt bestu þjónustu sem möguleg er á hverjum tíma.

Helstu verkefni og ábyrgð

Ber ábyrgð á stjórnun, skipulagningu, framkvæmd og mati starfsins á deildinni
Tekur þátt í gerð skólanámskrár, starfsáætlunar, mati á starfsemi leikskólans og
þróunarverkefnum undir stjórn leikskólastjóra.
Ber ábyrgð á að unnið sé eftir skólanámskrá og starfsáætlun leikskólans á deildinni.
Sér um að einstaklingsnámskrám sé framfylgt og þær endurmetnar í samráði við
sérkennslustjóra.
Skipuleggur samvinnu við ýmsar stofnanir og sérfræðinga sem tengjast leikskólanum í samráði við leikskólastjóra
Skipuleggur samvinnu við foreldra/forráðamenn barnanna á deildinni s.s. aðlögun, dagleg samskipti og foreldraviðtöl
Ber ábyrgð á að foreldrar/forráðamenn fái upplýsingar um þroska og líðan barnsins og þá starfsemi er fram fer á deildinni og ekki varðar trúnað gagnvart öðrum börnum og
foreldrum/forráðamönnum þeirra.
Situr foreldrafundi, sem haldnir eru á vegum leikskólans.
Ber ábyrgð á að leitað sé samþykkis foreldra/forráðamanna barns, áður en leitað er aðstoðar annarra sérfræðinga
Ber ábyrgð á og stýrir deildarfundum og skipuleggur undirbúningstíma starfsfólks deildarinnar.
Hefur umsjón með móttöku, þjálfun og leiðsögn nýrra starfsmanna deildarinnar.
Fylgist með að deildin sé búin nauðsynlegum uppeldis- og kennslugögnum í samvinnu við leikskólastjóra.
Situr starfsmannafundi og aðra fundi er yfirmaður segir til um og varðar starfsemi leikskólans
Sinnir þeim verkefnum er varðar uppeldi og menntun barnanna og stjórnun deildarinnar sem yfirmaður felur honum.