Umhverfis- og skipulagssvið Reykjavíkurborgar

Starfsfólk umhverfis- og skipulagssviðs vill auka lífsgæði í Reykjavík með framúrskarandi þjónustu og metnaði fyrir enn betri borg. Áhersla er á að gera vinnuumhverfi starfsfólks aðlaðandi, öruggt og skilvirkt. Gildi sviðsins eru virðing fyrir umhverfinu, fagmennska í hverju verki og þjónusta við umhverfið.

Vinnustaðurinn

Deildarstjóri skipulagsmála

Umhverfis- og skipulagssvið Reykjavíkur leitar að öflugum leiðtoga í nýtt starf deildarstjóra skipulagsmála Reykjavíkurborgar.

Deild skipulagsmála ber ábyrgð á framkvæmd deili- og hverfisskipulagsáætlana, að málsmeðferð og áherslur séu í samræmi við stefnu borgaryfirvalda í takt við vandaða stjórnsýsluhætti og markmið sviðsins um framúrskarandi þjónustu. Í skipulagsáætlun er gerð grein fyrir stefnu sveitarstjórnar og ákvörðunum um framtíðarnotkun lands, s.s. fyrirkomulagi byggðar, samgöngum og verndun menningar- og náttúruminja. Skipulagsáætlanir skiptast í svæðisskipulag, aðalskipulag og deiliskipulag og skulu þær vera í innbyrðis samræmi.

Við leitum að framsæknum einstaklingi með ríka forystu- og samskiptahæfileika, frumkvæði og þjónustumiðaða hugsun, sem hefur áhuga á nýsköpun og vilja til að taka þátt í að leiða skipulagsmál í Reykjavík.

Um er að ræða fjölbreytt og krefjandi starf í faglegu starfsumhverfi þar sem áhersla er á þverfaglega teymisvinnu, góða þjónustu og virðingu fyrir umhverfinu. Næsti yfirmaður er skrifstofustjóri skipulags-og byggingarmála.

Helstu verkefni og ábyrgð

Ábyrgð á faglegu starfi, uppbyggingu og skipulagi deildar og að málsmeðferð og áherslur verkefna séu í samræmi við stefnu borgaryfirvalda í umhverfis- og skipulagsmálum.
Þátttaka í stefnumótun og áætlanagerð skrifstofu skipulags og byggingarmála.
Forsvar fyrir þjónustu, fagleg stjórnun mannauðs, fjármála, skipulags og daglegra verkefna auk ábyrgðar á rekstri.
Leiðandi hlutverk við þróun verkefnamiðaðrar teymisvinnu.
Leiðir áætlanagerð, skipulagningu og markmiðasetningu einingarinnar og tryggir að unnið sé í samræmi við stefnu, áherslur og markmið umhverfis- og skipulagssviðs.
Samskipti og samráð við íbúa, hagsmunaaðila, ráðgjafa og stofnanir, nefndir og ráð, skrifstofur og deildir innan og utan borgarkerfis.
Samningagerð og rýni við gerð útboðsgagna, kostnaðargát og yfirumsjón með forgangsröðun verkefna og samræmingu innan deildar.

Menntunar- og hæfniskröfur

Háskólapróf á sviði arkitektúr, landslagsarkitektúr, skipulagsfræðum, eða sambærilegt. Viðeigandi löggilding sérfræðinga í tækni og hönnunargreinum áskilin.
Framhaldsmenntun í fagi er áskilin.
Viðbótamenntun á sviði stjórnunar, verkefnastjórnunar og/eða opinberrar stjórnsýslu er kostur.
Mjög góðir hæfileikar til samskipta og samvinnu.
Víðtæk reynsla á starfssviðinu áskilin.
Hæfni til að skapa öfluga liðsheild.
Greiningar- og skipulagshæfni, frumkvæði og lausnamiðuð nálgun.
Reynsla af stjórnun og áætlanagerð ásamt þekkingu á opinberri stjórnsýslu kostur.
Þekking á skipulags- og byggingarlögum og viðkomandi reglugerðum.
Góð tölvu- og tæknikunnátta og umbótamiðuð hugsun varðandi tæknilausnir.
Íslenskukunnátta C1-C2 skv. samevrópskum tungumálaramma og enskukunnátta B2-C1.

Nánar um starfið
Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.

Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.

Umsækjendur skulu senda inn ferilskrá (hámark 2 bls.) ásamt kynningarbréfi (hámark 1 bls.), bæði á íslensku. Þar skal gera grein fyrir þeirri þekkingu, reynslu og hæfni umsækjanda sem nýtist til að sinna starfinu í samræmi við hæfniskröfurnar í auglýsingunni. Við ákvörðun um boðun í starfsviðtal verður horft til gæða umsóknargagna.

Gert er ráð fyrir að viðtöl fari fram í viku 23 og 24. Umsækjendum sem komast lengra áfram í ráðningarferlinu verður gert að leysa verkefni. Auk annarra hæfnisþátta koma verkefnin heildstætt inn í mat á hæfni umsækjenda til að sinna starfinu. Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali og umsagna sem aflað er.

Umsóknarfrestur er til og með 9. júní 2025

Um er að ræða 100% starf. Launakjör eru samkvæmt kjarasamningi Reykjavíkurborgar og hlutaðeigandi kjarafélags.

Umsjón með starfsumsókninni hafa Auður Bjarnadóttir, [email protected] og Garðar Óli Ágústsson, [email protected] hjá Vinnvinn.

Vakin er athygli á stefnu Reykjavíkurborgar um jafnan hlut kynja og að vinnustaðir borgarinnar endurspegli það margbreytilega samfélag sem borgin er.